XAꞌMO 6
Qullaawu Maxaafi Buuraminohu daafira mayyee masaalino?
MASAALO
“Beeteliheeme Efiraata, . . . Israeelete gashshaancho ikkannohu ate giddonni fulannoe.”
Mikiyaasi 5:2
GUMULO
“Moote Heroodiisi waro Yesuusi Yihudu katamira Beeteliheemete ilamihu gedensaanni, ayyaanto Soojjaatinni kaꞌe Yerusaalame [daggu].”
MASAALO
“Uddannaꞌya beeqqitu; uddanoꞌyarano hixa tuqqitu.”
Faarso 22:18
GUMULO
“Olanto Yesuusa haqqaho suttuhu gedensaanni, aanaanni uddiꞌrino uddano haadhe shoolewa darte mitte mitte adhitu . . . . Giddiidi uddanosi kayinni alinni eeli geeshsha gowatto nookkiha gannoonnite. Konnira insa mimmitoho togo yitu: ‘Tenne uddano darrammonku ayera iillitannoro afate hixa tuqqino.’”
MASAALO
“Isi miqqasi baalanta agaranno; miqqasi giddo mittuno dihiiqqamanno.”
Faarso 34:20
GUMULO
“Yesuusiwa martanno woyite kayinni balaxe reyino daafira isi lekka dihiiqqitino.”
MASAALO
“Isi qasaminohu saonke daafiraati.”
Isayyaasi 53:5
GUMULO
“Olantote giddonni mittu midaadosi urdetenni qasi; hakkawoyintenni mundeenna wayi fuli.”
MASAALO
“Insano damoozaꞌya 30 birra baattue.”
Zakkaariyaasi 11:12, 13
GUMULO
“Hakkiinni Tonaalamu giddo mittu Asqorootu Yihuda yinannihu kakkalaanote roorrootiwa mare, ‘Iso sayise uummoꞌnero maa uyitinannie?’ yii. Insano 30 birru saante uyitasira sumuu yitu.”