XAꞌMO 5
Qullaawu Maxaafi sokka maati?
“Atenna manchote mereero, sirchikkinna sirchise mereero baarigaarre woreemmo. Isi umokki cancananno; ati kayinni gindesi cancanatto.”
Kalaqama 3:15
“Qaaleꞌya macciishshootto daafira, uullate daga baalanti sirchikki widoonni maassantanno.”
Kalaqama 22:18
“Gashshootikki dayo. Fajjokki iima ikkitanni noonte gede, uullate aanano ikkito.”
“Keere aanno Magani muli yannara Sheexaane lekkaꞌnera woroonni cancananno.”
“Baalunkuri gashshamisihu gedensaanni, Beettu umisi baalunkuri gashshamannosi gede assino Maganira gashshamanno; hakkuno, Maganu baalunkura baalankare ikkanno gedeeti.”
“Hexxote qaale kulloonnihu Abiraamiranna sirchisiraati . . . ; hakku sirchino Kiristoosiiti. Qoleno Kiristoosire ikkitiniro kiꞌne addinta Abirihaami sirchooti.”
“Alamete gashshooti Mootichinkehanna isi Buurinohu Gashshoote ikki; isino hegere hegerera moote ikke gashshanno.”
“Hakko daafira jawa dhudhuufa yaano alame woꞌma soꞌrisiisanni nooha Daawuloosinna Sheexaane yinanniha biꞌre hundi hamashsho uullara qolle olli; sokkaasinesino ledosi olli.”
“Isino dhudhuufa amade 1,000 diro usuri; kuni dhudhuufi, Daawuloosinna Sheexaane yinanniho biꞌre hundi hamashshooti.”