යහපත් ක්‍රිස්තියානීන් වෙමු

ආගමක් අදහන්නේ නැති අයට එයාලාගේ නිර්මාතෘව අඳුන්නලා දෙමු

ආගමක් අදහන්නේ නැති මිනිස්සු අපිට සවන් දෙන එකක් නැහැ කියලා හිතලා එයාලට දේශනා කරන්න ඔයා පස්ස ගහලා තියෙනවාද? ඒත් ආගමක් අදහන්නේ නැති, දෙවි කෙනෙක්ව විශ්වාස නොකරපු හුඟදෙනෙක් සත්‍යයට ඇවිත් තියෙනවා. එයාලට ඕනෙ වුණේ දෙවි කෙනෙක් ඉන්නවා කියන්න සාක්ෂි හොයාගන්න පොඩි උදව්වක් විතරයි.—රෝම 1:20; 10:14.

‘විශ්වාසය නැති අයට වුණත් ඒක ඇති කරගන්න පුළුවන් - ආගමක් අදහන්නේ නැති අය’ වීඩියෝ එක බලලා මේ ප්‍රශ්නයට උත්තර දෙන්න.

ආගමක් අදහන්නේ නැති අයට දේශනා කරන්න තොමාසෝගේ ආදර්ශය ඔයාට උදව් වෙන්නේ කොහොමද?

ඔයාගේ උත්තරය

ඒක කරන්නේ කොහොමද?

කෙනෙක් කිව්වොත් එයා දෙවි කෙනෙක්ව විශ්වාස කරන්නේ නැහැ කියලා කලබල වෙන්න එපා. එයාගේ හිත නොරිදෙන විදිහට, කාරුණිකව කතා කරන්න. එයා එහෙම හිතන්නේ ඇයි කියලා තේරුම්ගන්න. (2තිමෝ 2:24) එයා කැමති විෂයක් ගැන කතා කරන්න. නිර්මාතෘ කෙනෙක් ඉන්නවා කියලා පිළිගන්න හුඟදෙනෙක්ට උදව් වෙලා තියෙන සාක්ෂි ගැන කතා කරන්න එයා කැමතිද? එහෙනම් ඒ වෙනුවෙන්ම හදලා තියෙන ප්‍රකාශන, වීඩියෝ පාවිච්චි කරන්න. ‘සියල්ල ඇති වුණේ අහම්බෙන්ද’? සහ ‘ජීවයේ ආරම්භය - වැදගත් ප්‍රශ්න පහකට පිළිතුරු’ කියන සඟරා ඉගැන්වීම් කට්ටලයට දාලා තියෙන්නේ ඒවා ලේසියෙන්ම හොයාගන්න උදව්වක් විදිහට.

දෙවි කෙනෙක්ව විශ්වාස කරන්නේ නැති කෙනෙක්ට කතා කරන්න පොඩි බයක් දැනෙනවා නම් අද්දැකීම් තියෙන ප්‍රචාරකයෙක්ගෙන් උදව් ගන්න. සමහරු මුලින් දෙවි කෙනෙක්ව විශ්වාස නොකරන්න ඉඩ තියෙනවා. ඒත් එයාලා සත්‍යය පිළිගන්න කැමති නම් එයාලාගේ හිත්වලට කතා කරන්න ඔයාට උදව් කරන්න යෙහෝවාට පුළුවන්.—ක්‍රියා 13:48.