අලුත් පොතේ විශේෂාංග!

‘හැමදාටම සතුටින් ජීවත් වෙන්න!’ පොතෙන් පාඩමක් කරද්දී ඒකේ තියෙන වීඩියෝ සහ හිතේ තියෙන දේ දැනගන්න අහන ප්‍රශ්න පාවිච්චි කරන්න ඔයා ගොඩක් කැමති ඇති. “සමහරු මෙහෙම කියනවා,” “ඔයාට කරන්න දෙයක්,” “තව දැනගන්න” වගේ අංගවලටත් ඔයා ආස ඇති. තව මොන අංග පාවිච්චි කරන්නද ඔයා කැමති?—මතෙ 28:19, 20.

මීඩියා: ඔයා පාඩම කරන්නේ මුද්‍රිත පොතෙන් නම් අදාළ වීඩියෝ සහ ප්‍රකාශන බලන්න විදිහක් තියෙනවාද? ඩිජිටල් පොතේ තියෙන කොටස් 4න් එකක් තෝරගන්න. දැන් පාඩම් ලැයිස්තුවේ පහළටම යන්න. එතකොට “මීඩියා” කියලා ටැබ් එකක් දකියි. ඒක එබුවාම ඒ කොටසට අයිති වීඩියෝ සහ ප්‍රකාශන බලන්න පුළුවන්. (1වෙනි පින්තූරය බලන්න.)

“මුද්‍රිත විදිහට”: පාඩම කරන්නේ ඩිජිටල් පොතෙන් නම් පාඩම කරන ගමන් විටින් විට මුද්‍රිත පොතේ තියෙන විදිහත් බලන්න ඔයා කැමති වෙයි. ඒකට ස්ක්‍රීන් එකේ උඩ තියෙන තිත් තුන ඔබන්න. එතකොට එන ලැයිස්තුවේ තියෙන “මුද්‍රිත විදිහට” කියන එක ඔබන්න. පාඩමේ ඔයා සාකච්ඡා කරන්නේ මොකක්ද කියලා සම්පූර්ණ පින්තූරයක් ඔළුවට ගන්න ඒක ඔයාට උදව් වෙයි. ආයෙත් ඩිජිටල් පොතට යන්න ඕනෙ නම් පහළ තියෙන දම් පාට අයිකන් එක ඔබන්න. නැත්නම් කලින් වගේ තිත් තුන ඔබලා “ඩිජිටල් විදිහට” කියන එක ඔබන්න.

“මං ලෑස්තිද?”: 4වෙනි කොටසේ අන්තිමට තියෙන ඒ කොටු දෙකේ කතා කරන්නේ සභාවේ අයත් එක්ක දේශනා කරන්න සහ බව්තීස්ම වෙන්න ශිෂ්‍යයාට තියෙන්න ඕනෙ සුදුසුකම් ගැන. (2වෙනි පින්තූරය බලන්න.)

අමතර සටහන්: මේක තියෙන්නෙත් 4වෙනි කොටසේ අන්තිමට. ගොඩක් වැදගත් විෂයන් කීපයක්ම ඒ කොටසේ විස්තර කරලා තියෙනවා. ඩිජිටල් පොතේ හැම අමතර සටහනක් අවසානේදී ඔයා අන්තිමට සාකච්ඡා කර කර හිටපු තැනට ගෙනියන ලින්ක් එකක් දාලා තියෙනවා. (2වෙනි පින්තූරය බලන්න.)