5වෙනි කොටසට හැඳින්වීම
රතු මුහුද මැදින් ඇවිත් මාස දෙකකට පස්සේ ඊශ්රායෙල්වරු සීනයි කන්ද ළඟට ආවා. එතනදී තමයි යෙහෝවා ඊශ්රායෙල්වරුන්ව තමන්ට අයිති සෙනඟ හැටියට තෝරගන්නවා කියලා ගිවිසුමක් ඇති කරගත්තේ. ඔහු එයාලව ආරක්ෂා කරලා ඕනෙ කරන හැම දේම දීලා බලාගත්තා. කෑමට මන්නා දුන්නා, එයාලාගේ ඇඳුම් දිරුවේ නැහැ, ආරක්ෂිත තැනක ජීවත් වෙන්න ලැබුණා. යෙහෝවා ඊශ්රායෙල්වරුන්ට නීතිය, ශුද්ධ කූඩාරම, පූජකයන් දුන්නේ ඇයි කියලා දරුවාට කියලා දෙන්න. පොරොන්දු ඉටු කරන එක, නිහතමානී වෙන එක, හැම වෙලේම දෙවියන්ට ළැදිව ඉන්න එක කොච්චර වටිනවාද කියලා පෙන්නන්න.