ආගම ගැන විපරමක්

ලොව වටා

ලෝක ජනගහනයෙන් 75%කට වඩා ජීවත් වෙන්නේ රජයේ නීති නිසා හෝ සමාජයෙන් එල්ල වන විරෝධතා නිසා ආගම අදහන්න දැඩි ලෙස බාධා තියෙන රටවලයි. මෑත අවුරුදු 5ක කාලයක් තුළ සුළු ආගමික කණ්ඩායම්වලට කරන කෙනහිලිකම් ගැන වාර්තා වුණ රටවල් ගණන දෙගුණ වෙලා.

ටිකක් හිතන්න. සමහර අය ආගම්වලට විරුද්ධ වෙන හේතු දෙක ගැන ඔබ හිතුවාද?—මතෙව් 23:27, 28; යොහන් 15:19.

එංගලන්තය

මෑත කාලයේදී ගොඩක් ත්‍රස්තවාදී ක්‍රියාවලට “ආගම අතකොළුවක් කරගෙන තියෙනවා. පහුගිය සියවසේදී ගොඩක් සටන් ඇති වුණේ අන්තවාදී දේශපාලනික මත භේද මුල් කරගෙනයි. ඒත් මේ සියවසේදී ජාතිය හෝ ආගම මුල් කරගෙන හරිම ඉක්මනින් ගැටුම් ඇති කරගන්නවා” කියලා හිටපු බ්‍රිතාන්‍ය අගමැති ටෝනි බ්ලෙයා කියනවා.—Observer පුවත්පත.

ටිකක් හිතන්න. මිනිස්සු අතර බෙදීම් ඇති වෙන්න හුඟක් වෙලාවට ආගම හේතු වෙලා තියෙන්නේ ඇයි?—මාක් 7:6-8.

ඕස්ට්‍රේලියාව

සංඛ්‍යා ලේඛනවලට අනුව රටේ ජනගහනයෙන් පස්දෙනෙක්ගෙන් එක්කෙනෙක් කිසිම ආගමක් අදහන්නේ නැහැ කියලා වාර්තා වෙනවා. “කෙනෙක් ආගමක් අදහපු පලියට එයා ක්‍රියාශීලී සාමාජිකයෙක් කියලා කියන්න බැහැ” කියලත් ඒකේ කියනවා. ආගමක් අදහනවා කියලා කියන අය අතරිනුත් ක්‍රියාශීලී සාමාජිකයන් වන්නේ පිරිමි 15%ක් සහ ගැහැනු 22%ක් විතරයි.