බයිබල් සිද්ධි හිතින් මවාගන්න

අපිට පාඩම් ඉගෙනගන්න පුළුවන් ඉතිහාස සිද්ධිවලින් බයිබලේ පිරිලා. ඒ සිද්ධීන් හිතින් මවාගද්දී කියවන දේ තව හොඳින් තේරුම්ගන්නත් ඒවායින් තව ප්‍රයෝජන ගන්නත් පුළුවන්. සිද්ධීන් හිතින් මවාගන්න උදව් වෙන යෝජනා කීපයක් අපි බලමු.

• ශබ්ද නඟලා කියවන්න. එහෙම කරද්දී කියවන දේ හිතින් මවාගන්න ලේසියි. පවුලේ අය එකතු වෙලා බයිබලේ කියවද්දී චරිත බෙදාගෙන කියවන එකෙන් ඒ චරිතවලට පණ දෙන්න පුළුවන්.

• ඒ සිද්ධියට යන්න. ඒ සිද්ධියේ ඉන්න චරිතවලට හැඟුණ විදිහ, එයාලා හිතපු විදිහ තේරුම්ගන්න උත්සාහ කරන්න. ඒකට මේ වගේ ප්‍රශ්න ගැන හිතන්න. ‘එයා ඒ විදිහට කතා කළේ, වැඩ කළේ ඇයි? මං එතන හිටියා නම් මට කොහොම දැනෙයිද? මට මොනවා හිතෙයිද?’

• චිත්‍රයට නඟන්න. ඔයාට හොඳට චිත්‍ර අඳින්න බැරි වුණත් පුළුවන් විදිහට ඒ සිද්ධිය චිත්‍රයට නඟද්දී ඒක හිතින් මවාගන්න, තව හොඳට මතක තියාගන්න ඔයාට ලේසියි.