යහපත් ක්රිස්තියානීන් වෙමු
දෙවියන් හිතන විදිහ ඉගෙනගන්න
කියන කරන හැම දේකදීම යෙහෝවා දෙවියන්ව සතුටු කරන්නයි අපිට ඕනේ. (හිතෝ 27:11) කරන්න ඕනෙ දේ කෙළින්ම කියලා නැති අවස්ථාවකදී වුණත් එහෙම කරන්න ඕනේ. ඒක කරන්න පුළුවන් වෙන්නේ අපි යෙහෝවා හිතන විදිහට හිතලා තීරණ ගත්තොත් විතරයි. ඒකට අපිට උදව් වෙන්නේ මොනවාද?
බයිබලේ අධ්යයනය කරන එක පුරුද්දක් කරගන්න. බයිබලේ කියවන වාරයක් ගාණේ අපි කරන්නේ යෙහෝවා එක්ක කාලේ ගත කරන එකයි. ඔහුගේ සෙනඟ එක්ක ඔහු වැඩ කරපු විදිහ ගැන සහ බයිබලේ තියෙන ආදර්ශ, අවාදර්ශ ගැන කල්පනා කරද්දී යෙහෝවා හිතන විදිහ ඉගෙනගන්න අපිට පුළුවන්. තීරණයක් ගන්න වෙද්දී දෙවියන් ඔහුගේ බලය මාර්ගෙන් සහ දේවවචනෙන් අපි ඉගෙනගත්ත වටිනා පාඩම් වගේම ප්රතිපත්ති අපිට මතක් කරලා දෙනවා.—යොහ 14:26.
ගවේෂණය කරන්න. ඔයාට තීරණයක් ගන්න වෙද්දී මෙහෙම හිතන්න. ‘මේ කාරණේ ගැන යෙහෝවාට හිතෙන විදිහ තේරුම්ගන්න මට උදව් වෙන්නේ මොන බයිබල් පදද, මොන බයිබල් සිද්ධීන්ද?’ උදව් ඉල්ලලා යාච්ඤා කරන්න. ඒ ගැන අපේ පොත් පත් පෙරළලා තව ගවේෂණය කරන්න. එහෙම කරන එක ඔයාගේ ප්රශ්නෙට ගැළපෙන බයිබල් ප්රතිපත්ති හොයාගන්නත් ඒවා අදාළ කරගන්න පුළුවන් පැති තේරුම්ගන්නත් ඔයාට උදව් වෙයි.—ගීතා 25:4.
‘අපි විඳදරාගනිමින් දුවන්න ඕනේ - පෝෂ්යදායී ආහාර ගන්න’ වීඩියෝ එක බලලා මේ ප්රශ්නවලට උත්තර දෙන්න.
රෙබෙකා මූණ දුන්නේ මොන වගේ පීඩනවලටද?
ඒ වගේ ප්රශ්නවලට ඔයා මූණ දෙද්දී ගවේෂණය කරන එක උදව් වෙන්නේ කොහොමද?
හොඳ තීරණ ගන්න උදව් වෙන විදිහට කාලේ අරන් ගවේෂණය කරන එකෙන් සහ පෞද්ගලික අධ්යයනය කරන එකෙන් අපිට ප්රයෝජන ලැබෙන්නේ කොහොමද?—හෙබ්රෙ 5:13, 14