ඔයා JW කන්ටැක්ට් කාඩ් එකෙන් සාක්ෂි දරනවද?

මහත් පීඩාව ළඟ ළඟම එන නිසා මිනිසුන්ව බේරගන්න අපිට තියෙන්නේ ලොකු වගකීමක්. (හිතෝ 24:11, 12, 20) බයිබලය ගැනත් අපේ වෙබ් අඩවිය ගැනත් දැනගන්න මිනිසුන්ට උදව් කරන්න කන්ටැක්ට් කාඩ් අපිට උදව් වෙනවා. ඒකේ තියෙන කෝඩ් එක ස්කෑන් කළොත් ‘බයිබලයේ තියෙන තොරතුරු සොයා බලන්න ඕන ඇයි?’ වීඩියෝ එක බලන්න පුළුවන්. තව තොරතුරු දැනගන්නත් බයිබල් පාඩමක් කරන්නත් කරලා තියෙන ආරාධනයක් එතන තියෙනවා. සමහරු අපේ ප්‍රකාශන ගන්නේ නැති වුණත් අපේ වෙබ් අඩවියට යන්න කැමතියි. ඒ නිසා අපේ කන්ටැක්ට් කාඩ් එකක් එයාලට දෙන්න අදිමදි කරන්න එපා. හැබැයි උනන්දුවක් නැති කෙනෙක්ට කාඩ් එකක් දෙන්න එපා.

එදිනෙදා හම්බ වෙන අයටත් කාඩ් එකක් දෙන්න. එයාලට මෙහෙම කියන්න. “මං කැමතියි ඔයාට මේ කාඩ් එක දෙන්න. විවිධ විෂයන් ගැන කතා කරන තොරතුරුත් වීඩියෝත් නොමිලෙම බලන්න පුළුවන් වෙබ් අඩවියක් ගැන මේකේ තියෙනවා.” (යොහ 4:7) කන්ටැක්ට් කාඩ් පොඩි නිසා කිහිපයක්ම ළඟ තියාගෙන සුදුසු අවස්ථාවලදී ඒවා දෙන්න.