“එකමුතුකමේ කදිම ආදර්ශයක්”
බ්රසීලයේ සැවෝ පවුලෝහි එන්ඩියාටුබා නගරයේ එක් පුවත්පත් කතුවැකියක මාතෘකාව වූයේ එයයි. මෙම ආදර්ශය තබන ලද්දේ “යෙහෝවාගේ සාක්ෂිකාරයන්ය. ‘රාජ්ය ශාලාව’ ලෙස හඳුන්වන ඔවුන්ගේ පූජස්ථාන නැතහොත් ශ්රවණාගාර අලුතින් ගොඩනඟන ලද අවස්ථාවේදී ඔවුහු ආදර්ශවත්ව හැසුරුණෝය. ගොඩනැඟීමේ කටයුතු සිදු කරන අවස්ථාවේදී ඔවුන් පෙන්වූ කදිම ආදර්ශය ගැන යමක් නොපවසා සිටිය නොහැකියි” කියා වාර්තාකරු තවදුරටත් පවසයි.
යෙහෝවාගේ සාක්ෂිකරුවන් අතර ඇති එකමුතුකම එවන් අවස්ථාවලදී හොඳින් කැපීපෙනෙයි. තවදුරටත් එම ලිපියෙහි මෙසේ සඳහන් විය. “එකට එක්රැස් වී දෙවිට නමස්කාර කිරීමට ස්ථානයක් ගොඩනැඟීම සඳහා පුරුෂයන්, ස්ත්රීන් හා යෞවනයන් ස්වේච්ඡාවෙන් වෙහෙස මහන්සිය නොබලා උරෙන් උර ගැටී වැඩ කරනවා දැකීම සිත්ගන්නාසුලුයි.”
යෙහෝවාගේ සාක්ෂිකරුවෝ වෙනත් ආකාරවලින්ද ආදර්ශවත් ලෙස හැසිරෙති. “අධ්යයනය කිරීම සහ යාච්ඤා කිරීමට අමතරව ඔවුන්ගේ ඉලක්කය වන්නේ, මත්පැන්වලට සහ මත්ද්රව්යවලට ඇබ්බැහි වූ අයව පුනරුත්ථාපනය කිරීමත් එකමුතුකම සහ ප්රේමය විදහාපෙන්වන්නේ කෙලෙසද කියා මනුෂ්යයන්ට කියා දීමත්ය” කියා එම කතුවැකියෙහි තවදුරටත් සඳහන් විය. ඔවුන් මෙම ඉලක්කයන් සාක්ෂාත් කරගන්නේ කෙසේද? කෙනෙකු ඇබ්බැහි වී සිටින අවකල් ක්රියාවලින් ගොඩ ඒම සඳහා බයිබල් ප්රතිපත්ති ඉගෙනගැනීම සහ එම උපදෙස් ක්රියාවේ යෙදවීම අවශ්ය බව තේරුම්ගැනීමට අන්යයන්ට උපකාර කිරීම තුළිනි. එමනිසා, ඔවුහු බයිබලයෙන් උගත් දේ අන් අයට ඉගැන්වීමට මහත් වෑයමක් දරති. “ඔවුන්ගේ මෙම ආදර්ශය යුහුසුලුව අනුගමනය කිරීම වටින” බව එම කතුවැකිය අවසානයේ සඳහන් විය.
යෙහෝවාගේ සාක්ෂිකරුවන් පවත්වන රැස්වීම්වලට ඕනෑම කෙනෙකුට සහභාගි විය හැකි අතර එහිදී ඔවුන් සම්මාදම් එකතු නොකරයි. ඔබට කිට්ටුවෙන් පිහිටා ඇති රාජ්ය ශාලාවකට පැමිණෙන මෙන් අපි ඔබට උණුසුම් ලෙස ඇරයුම් කරන්නෙමු.