අපේ විත්ති
කාම්බෝජයට යමු
වතුර මත පාවෙන ගෙවල් හා සෙනඟ පිරුණු වෙළඳ පොළවල් කාම්බෝජයේ සුලබ දසුනක්. ඔවුන්ගේ ප්රධාන ප්රවාහණ මාධ්යයක් වන මෝටර් සයිකලේ නොගෙනියන දෙයක් නැහැ. කුකුල්ලු ප්රවාහණය කරන්නෙත් ගෙදරට අවශ්ය කරන ශීතකරණය රැගෙන එන්නෙත් මෝටර් සයිකලෙන්.
කාම්බෝජයේ වැසියන් මිත්රශීලී ඒ වගේම එකමුතුව වැඩ කරන සෙනඟක්. සාමාන්යයෙන් ඔවුන් නාඳුනන කෙනෙක්ට වුණත් කතා කරන්නේ අයියා, අක්කා, නැන්දා, මාමා, ආච්චි, සීයා කියලයි.
බෝට්ටු හෝ පාරු මත සෑදූ ගෙවල් සහ උස් ලී කණු මත සෑදූ ගෙවල් ඒ රටේ දකින්න තියෙනවා. දිය මත පාවෙන පාසැල්, වෛද්ය සායන, වෙළඳ පොළවල් සහ ඉන්ධන පිරවුම්හල්ද දකින්න ලැබෙනවා
ඩ්රැගන් ෆෘට් ප්රණීත පලතුරක්
ඔවුන්ගේ ප්රධාන ආහාරය බත්. ඒ සමඟ පැණි රස, ඇඹුල් රස සහ ලුණු රස ඇති ව්යාංජන තුන හතරක් කෑම වේලට එක් කරගන්නවා. බොහෝවිට සුප් වර්ගයක්ද ඒ සමඟ පිළිගන්වන අතර ඔවුන්ගේ ප්රියතම ආහාරය මාළු.
මීට අවුරුදු 2,000කට පමණ කලින් ඉන්දියාවේ සිට චීනයට ගිය වෙළෙන්ඳන් සහ වන්දනාකරුවන් නිතර නිතර කාම්බෝජයේ මුහුදු තීරයට ආවා. ඒ ගමන්වලදී ඔවුන් ගෙනා සේද සහ ලෝහ භාණ්ඩ කාම්බෝජයේ තිබෙන කුළු බඩු, සුවඳ ලී, ඇත්දළ හා රන් වැනි දේවල්වලට හුවමාරු කරගත්තා. ඉන්දියානුවන්ගේ හා චීන ජාතිකයන්ගේ ආභාසය නිසා බෞද්ධ හා හින්දු ධර්මය එහි පැතිර ගියා. අද වන විට කාම්බෝජයේ වැසියන්ගෙන් සියයට අනූවක්ම බෞද්ධයන්.
යෙහෝවා දෙවිගේ සාක්ෂිකරුවන් කාම්බෝජයේ වැසියන්ට බයිබලයේ තියෙන ශුභාරංචිය ගැන කියා දෙනවා. ඒ සඳහා ඔවුන් යොදාගන්නේ ‘බයිබලයේ සඳහන් ඉගැන්වීම් නිවැරදිව තේරුම්ගනිමු’ යන පොතයි. කාම්බෝජියානු භාෂාව ඇතුළු භාෂා 250කින් පමණ එම පොත ලබාගන්න පුළුවන්.
1,500කට වඩා වැඩිදෙනෙක් සාක්ෂිකරුවන් සමඟ බයිබලය පාඩම් කරනවා. ඔවුන්ට “මිය ගිය අය කොහේද?” සහ “මිනිස් වර්ගයා සඳහා දෙවිගේ අරමුණ කුමක්ද?” වැනි ප්රශ්නවලට බයිබලයෙන් පිළිතුරු ලැබී තිබෙනවා
යෙහෝවා දෙවිගේ සාක්ෂිකරුවන්ගේ ප්රකාශනයක් වන ‘බයිබලයේ සඳහන් ඉගැන්වීම් නිවැරදිව තේරුම්ගනිමු’ යන පොත කාම්බෝජියානු භාෂාවෙන්ද ලබාගන්න පුළුවන්.