ඔබටත් ආරාධනා!—ඔබ එනවාද?

ආරාධනා කර තිබෙන්නේ කුමකටද? යෙහෝවාගේ සාක්ෂිකරුවන් සෑම වසරකම පවත්වන ඉතාමත් වැදගත් රැස්වීමකටයි ඔබට මේ ආරාධනා කරන්නේ. ඔවුන් මෙලෙස එක්රැස් වන්නේ ක්‍රිස්තුස්ගේ මරණය සිහි කිරීම සඳහායි. මෙය පදනම් වන්නේ ඔහු ස්ථාපිත කළ ස්වාමීන්ගේ රාත්‍රි භෝජනය මතයි. මේ ගැන මතෙව්ගේ වාර්තාවේ අපට මෙසේ කියවීමට තිබෙනවා.“[යේසුස්] රොටි ගෙන ආශීර්වාද කොට කඩා ගෝලයන්ට දී, රැගෙන කන්න. මේක මාගේ ශරීරයයයි [කීවේය]. [ඔහු] කුසලානක් ගෙන ස්තුති කොට ඔවුන්ට දී, නුඹලා සියල්ලෝම මෙයින් බොන්න. මේක පව් කමාව පිණිස බොහෝදෙනා උදෙසා වගුරුවන අලුත් ගිවිසුමේ මාගේ ලේය.”—මතෙව් 26:26-28.

මාර්තු 28වන බ්‍රහස්පතින්දා හිරු බැසයෑමෙන් පසුව පවත්වනු ලබන මේ වසරේ ස්වාමීන්ගේ රාත්‍රි භෝජනය සමරණ අවස්ථාවේදී ඉහත සඳහන් වදන්වල වැදගත්කම පැහැදිලි කිරීමට නියමිතයි. ඔබ මෙයට පැමිණෙයි කියා අපි බලාපොරොත්තු වෙනවා. මෙය පවත්වන වේලාව හා ස්ථානය ඔබ ප්‍රදේශයේ සිටින යෙහෝවාගේ සාක්ෂිකරුවන්ගෙන් විමසන්න. ඔවුන් ඔබව සාදරයෙන් පිළිගනීවි.