දේශනාකාරයා

5 ඔබ සැබෑ දෙවිගේ ගෘහයට යන විට කල්පනාකාරීව හැසිරෙන්න.+ එතැනට ගොස් අඥානයෙකු මෙන් පූජා ඔප්පු කරනවා වෙනුවට+ උපදෙස්වලට හොඳින් සවන් දෙන්න.+ මන්ද අඥානයෙක් තමා දුෂ්ට මාර්ගයක ගමන් කරන බව වටහා නොගෙන පූජා ඔප්පු කරයි.+

2 කතා කිරීමට ඉක්මන් නොවන්න. සැබෑ දෙවි සමඟ කතා කිරීමට පෙර+ හොඳින් සිතා බලන්න.+ සැබෑ දෙවි සිටින්නේ ස්වර්ගයේ+ කියාත් ඔබ සිටින්නේ පොළොවේ කියාත් අමතක නොකරන්න. ඔබ පමණට වඩා කතා නොකළ යුත්තේ ඒ නිසාය.+ 3 වුවමනාවට වඩා යමක් ගැන සිතීම නිසා සිහින පවා පෙනිය හැක.+ එලෙසම, තොරතෝංචියක් නැතුව කතා කරන විට මෝඩ වචන පිට විය හැකිය.+ 4 ඔබ දෙවිට පොරොන්දුවක් දුන් විට එය ඉටු කිරීමට ප්‍රමාද නොවිය යුතුය.+ මන්ද අඥාන කෙනෙකුට කිසිවෙක් කැමති නැත.+ එබැවින් ඔබ යමක් පොරොන්දු වුවහොත් එය ඉටු කරන්න.+ 5 ඔබ පොරොන්දුවක්+ දී එය ඉටු නොකරනවාට වඩා පොරොන්දු නොවී සිටීම හොඳය.+ 6 ඔබව පාපයට හසු කිරීමට ඔබේ දිවට ඉඩ නොදෙන්න.+ එය වැරදීමකින් දුන් පොරොන්දුවක්යයි+ දේවදූතයා ඉදිරියේ නොකියන්න.+ මන්ද ඔබ එසේ පැවසුවොත් සැබෑ දෙවි ඔබ සමඟ උදහස් වන අතර ඔබ කළ සියලු වැඩ අසාර්ථක වනු ඇත.+ 7 මන්ද වුවමනාවට වඩා යමක් ගැන සිතීම නිසා සිහින දකින්නාක් මෙන්+ පමණට වඩා කතා කිරීමෙන් නිෂ්ඵල වචන පිට වෙයි. එබැවින් සැබෑ දෙවි කෙරෙහි ගරුබියක් ඇතුව සිටින්න.+

8 යම් දේශයක සිටින නිලධාරීන් දුප්පතුන්ට පීඩා කරන බව හෝ ඔවුන් බලහත්කාරයෙන් යුක්තිය පෙරළා අධර්මිෂ්ඨකම් කරන බව+ හෝ ඔබ දකින්නෙහි නම් ඒ ගැන පුදුම නොවන්න.+ ඔවුන්ටත්+ වඩා බලවත් අධිපතීන් සිටින බවත් ඒ සියලුදෙනාටම වඩා බලවත් තැනැත්තෙකු බලා සිටින+ බවත් මතක තබාගන්න.

9 භූමියේ පලදාව සියලුදෙනාගේම ප්‍රයෝජනය සඳහාය.+ රජෙකුට පවා අවශ්‍ය දේ ලබාගැනීමට නම් ඔහුගේ කෙත්වතුවල වගා කළ යුතුය.+

10 රිදීවලට ඇලුම් වන්නාට රිදී ලැබුණත් ඔහු එයින් සෑහීමට පත් නොවෙයි. ධනයට ඇලුම් වන්නාද තමා කොපමණ ආදායමක් ලැබුවත් එයින් සෑහීමට පත් නොවෙයි.+ මෙයද මහා නිෂ්ඵලකමකි.+

11 වස්තුව බහුලව තිබෙන තැන ඒවා භුක්ති විඳින අයද බොහෝය.+ ඒ වස්තුව හිමි තැනැත්තාට ඒ දෙස බලා සිටිනවා හැර එයින් ඇති ප්‍රයෝජනය කුමක්ද?+

12 සේවකයෙකුට ස්වල්පයක් කන්න තිබුණත් බොහොමයක් කන්න තිබුණත් ඔහුගේ නින්ද මිහිරිය.+ එහෙත් තමා සතු වස්තු සම්භාරය නිසා ධනවතාට නින්ද නොයයි.

13 ධනවතෙකු ලෝභකමින් තම වස්තුව රැස් කර තබාගනිමින් තමාටම හානි පමුණුවාගත් ආකාරය මම දුටුවෙමි.+ එය ඉර යට සිදු වන මහත් විපතකි. 14 මන්ද යම් හානිකර කටයුත්තක් නිසා ඔහු රැස් කරගත් සියල්ල මොහොතකින් විනාශ වී ගියේය.+ පසු කලෙක ඔහුට පුතෙකු ලැබුණත් ඔහුට උරුමයක් ලෙස දීමට කිසිවක් ඉතුරුව නොතිබිණ.+

15 යමෙක් මිනී වළට යන්නේ මව්කුසෙන් නික්ම ආ ලෙසින්මය.+ ඔහු වෙහෙස මහන්සි වී කොයි තරම් දේවල් උපයාගත්තද මිය යන විට ඒ කිසිවක් ගෙන යෑමට ඔහුට නොහැක.+

16 ඔහු මව්කුසෙන් නික්ම ආ ලෙසම මිය යන්නේය. එසේනම්, සුළං රොදක් පසුපස හඹා යමින් මහත් සේ වෙහෙසීමෙන් ඇති ප්‍රයෝජනය කුමක්ද?+ මෙයද මහත් විපතකි. 17 ඔහුගේ ජීවිත කාලය පුරාම ඔහු අඳුරේ සිට අකමැත්තෙන් කෑම කන්නේය.+ ඔහු අසනීප වී මහත් සේ කෝපයෙන් සිටියි.

18 මිනිසෙකු තමන් වෙහෙස මහන්සි වී උපයාගත් දේ භුක්ති විඳ, කා බී සතුටින් සිටීම තරම් සෑහීම ගෙන දෙන දෙයක් මම දැක නැත.+ සැබෑ දෙවි ඔහුට ජීවත් වීමට දුන් කාලය පුරාම ඔහු දැරූ උත්සාහයට ලැබෙන ප්‍රතිඵලය එයයි. 19 මිනිසෙකුට සැබෑ දෙවිගේ ආශීර්වාදයෙන් තමාට ලැබී තිබෙන ධනය හා දේපළ ගැනද+ තමා වෙහෙස මහන්සි වී කරන වැඩ ගැනද තමාට හිමි කොටස ගැනද සෑහීමට පත් වී,+ කා බී සතුටින් සිටිය හැකි නම්+ එයද දෙවිගෙන් ලද ආශීර්වාදයකි.+ 20 ඔහු ජීවත් වන කෙටි කාලය පුරා ඔහු අද්දකින අසීරුතා ගැන කල්පනා කරන්නේ කලාතුරකිනි. මන්ද සැබෑ දෙවි ඔහුට සතුටු සිතින් ජීවත් වීමට ඉඩ සලසා ඇත.+