Wara ngoi ti gi ti hinga Nzapa

Wara ngoi ti gi ti hinga ye na ndö ti Nzapa nga ti ga kamarade ti lo. Tongana mo sara ni, mo yeke bâ lege ti bezoin ti mo na lege ti yingo la. Bâ atënë so Jésus afa lani na ndö ti tënë ni so.

Tënë so Jésus atene

“Ngia ayeke na ala so ahinga so ala yeke na bezoin ti aye ti yingo.”—Matthieu 5:3.

• E kue e ye ti hinga kiringo tënë na ahunda tongana: E yeke na fini ngbanga ti nyen? Ngbanga ti nyen la pasi ayeke mingi tongaso? Nyen la ayeke si na azo na peko ti kuâ ti ala? E bezoin ti wara akiringo tënë na ahunda so tongaso si e duti na ngia.

“Zo ayeke ngbâ na fini gï na lege ti mapa pëpe, me na lege ti tënë kue so asigi na yanga ti Jéhovaha.”—Matthieu 4:4.

• Gï tongana ti so e yeke na bezoin ti kobe na lege ti mitele, e yeke nga na bezoin ti kobe na lege ti yingo. Jésus afa polele so e doit ti zia bê ti e lakue na Nzapa tongaso si e hinga lo nzoni.

“Tënë ti mo ayeke tâ tënë.”—Jean 17:17.

• Jésus afa so kozo ye so Nzapa asara kua na ni ti tene e hinga lo ayeke na lege ti Bible.

Tongana mo ye ti duti na ngia, e encouragé mo ti wara ngoi ti gi ti hinga Nzapa nga ti ga nduru na lo. Bâ ambeni ye so apeut ti aidé mo:

• Diko Bible senge senge.

• Hunda na mbeni zo ti manda Bible na mo senge senge.