Lege ti bata aversê na li

Eskê na ambeni ngoi a yeke ngangu na mo ti dabe ti mo na mbeni versê? A peut ti duti mbeni versê so adë bê ti mo, so a-aidé mo ti hon ndö ti asioni pensé wala so mo ye ti fa ni na mbeni zo (Ps. 119:​11, 111). Bâ ambeni wango so apeut ti aidé mo ti dabe ti mo na aversê la.

• Sara kua na JW Library^®. Gue na mbage Étude individuelle, créé mbeni catégorie na zia iri ni “Aversê so mbi ye mingi” na sauvé aversê kue so mo ye ti bata na mbage ni so.

• Zia versê ni na mbeni ndo so mo peut ti bâ ni. Sû na lê ti mbeni mbeti versê so mo ye ti bata nga zia ni na mbeni ndo so mo yeke bâ ni lakue. Ambeni zo acollé ni na terê ti tatara ti ala, ambeni acollé ni na terê ti frigo. Ambeni ayeke sara foto ti mbeni versê nga ala zia foto ni na lê ti écran ti ordinateur, ti tablette wala ti téléphone ti ala.

• Sû aversê ni na mbeti nga sara kua na ni. Sû référence ni, so ti tene buku ti Bible ni, chapitre ni nga na versê ni na lê ti mbeti nga sû atënë ti yâ ni na peko ni. Na pekoni, bâ référence ni na tara ti dabe ti mo na atënë ti yâ ni wala bâ atënë ni na tara ti dabe ti mo na référence ni.