Ye ti tene na ndo apériodique

Tour ti Ba Ndo 1 août

“E kue e hinga so azo ayeke sara pasi mingi na amba ti ala laso. Ti mo, ye so ayeke gbian tongana azo mingi asara ye alingbi na atënë ti Jésus so? [Diko Matthieu 7:12. Na pekoni, zia zo ni akiri tënë.] Périodique so afa ye so Bible atene na ndo lege so fade azo ayeke kiri ti wara nengo so ala lingbi na ni.”

Tour ti Ba Ndo 15 août

“E ye ti hinga bibe ti mo na ndo ti mbeni tënë so Jésus atene lani. [Diko Matthieu 5:5.]. Mo pensé so aye ayeke ngbâ ande gi tongana ti so e yeke bâ laso na sese tongana zendo so ge aga tâ tënë? [Zia zo ni akiri tënë.] Périodique so afa ye so Bible atene na ndo lege so Jésus ayeke gbian ande aye na ndo sese. A fa nga azo so sese ni ayeke ga ye ti héritier ti ala.”

Réveillez-vous! août

“Ti mo, e lingbi mbeni lâ ti kiri ti bâ asewa ti e so akui so ande? [Zia zo ni akiri tënë.] Bâ zendo so Jésus amû na ndo ti akuâ. [Diko Jean 5:28, 29.] Article so afa ye so Bible atene na ndo ye so asi na zo tongana lo kui.” Gboto lê ti lo na ndo article so ato nda ni na lembeti 28.

Tour ti Ba Ndo 1 sept.

“Azo mingi laso asara nzara ti tënë ti Nzapa mbeni pëpe. Mo bâ ti mo so ti duti zo so aye tënë ti Nzapa ayeke sara si mbeni zo aga nzoni ahon ti kozo? [Zia zo ni akiri tënë.] Bible afa kozoni awe ye so fade ambeni zo ayeke gi ni na yâ ti abungbi ti nzapa na lâ ti nda ni. [Diko 2 Timothée 4:3, 4.] Périodique so afa tongana nyen si tâ vorongo ayeke gonda Nzapa nga ayeke ga na aye ti nzoni na e.”

Réveillez-vous! sept.

“Azo mingi ahunda tere ti ala wala senda-ye ague oko na mango na bê na Nzapa. Mo tene ti mo nyen? [Zia zo ni akiri tënë. Na pekoni, diko aHébreu 3:4.] Numéro ti Réveillez-vous! so, so ayeke nde, afa aye so ague na awasenda ye mingi ti mä na bê na mbeni Wasarango ye.”