Eskê sarango ajeu ti nginza ayeke siokpari?

Kiringo tënë ti Bible

Atâa so Bible atene tënë mbilimbili tongaso ape na ndö ti sarango ajeu ti nginza, na lege ti amama-ndia ti Bible e peut ti tene so Nzapa abâ sarango ajeu ti nginza tongana mbeni siokpari.​—aÉphésien 5:17.a

• Sarango bê ti ye la ayeke pusu azo ti sara ajeu ti nginza, na a yeke mbeni ye so Nzapa ake ni (1 aCorinthien 6:9, 10; aÉphésien 5:3, 5). Azo so ayeke sara ajeu ti nginza ayeke gagné nginza tongana ambeni mba ti ala aperdre, me Bible ake ti tene azo asara bê ti ye so amba ti ala ayeke na ni.​—Exode 20:17; aRomain 7:7; 13:9, 10.

• Ti sara ajeu ti nginza, même si nginza ni ayeke gï kete, apeut ti dü nzara ti ndoye ti nginza na yâ ti bê ti zo.​—1 Timothée 6:9, 10.

• Mingi ni, azo so ayeke sara ajeu ti nginza asara confiance na atënë ti ye ti ndima wala na tënë ti chance. Me, Nzapa abâ mara ti aye tongaso tongana vorongo yanda, nga ague oko ape na vorongo lo.​—Ésaïe 65:11.

• Ahon ti tene e sara nzara ti wara mbeni ye so e sara effort oko ape ti wara ni, Bible a-encouragé e ti sara kua ngangu (Zo-ti-fa-tene 2:24; aÉphésien 4:28). Azo so asara ye alingbi na awango ti Bible apeut ti ‘te kobe ti peko ti kua ti ala.’​—2 aThessalonicien 3:10, 12.

• Sarango ajeu ti nginza apeut ti pusu azo ti duti na bibe ti sarango mandako, a yeke mbeni ye so Bible ake ni.​—aGalate 5:​26.