Russie alï na ngangu ti mû Ukraine

Na yanga ti ndapre ti lango 24 ti février 2022, Russie akomanse ti lï na ngangu ti mû Ukraine, atâa so mingi ti akota zo so ayeke na yâ ti dunia asara kue ti kanga lege ti tene bira asi. Tongana nyen la bira so apeut ti sara ngangu na ndö ti azo na yâ ti dunia? Na yâ ti alango so ahon, António Guterres so ayeke secrétaire général ti Nations unies atene: “E peut lâ oko ape ti imaginé pasi na aye so bira so ayeke buba ni nga tongana nyen la bira ni ayeke sara ande ngangu na ndö ti tënë ti sécurité ti akodro ti Europe nga na tanga ti akodro na yâ ti dunia kue.”

Ti gue oko na tënë ti Bible, aye so ayeke si so aye ti tene nyen?

• Jésus Christ asara lani tënë ti ngoi so “mara ayeke londo na bira na terê ti mbeni mara, na royaume ayeke londo na bira na terê ti mbeni royaume.” (Matthieu 24:7). Ti hinga tongana nyen la Bible afa so abira ti laso ayeke gango tâ tënë ti prophétie ti Jésus, diko article “Quel est le signe des ‘derniers jours’ ?”

• Mbeti ti Apocalypse asara tënë ti mbeni zo so aduti na ndö ti ‘mbeni mbarata so terê ti lo abe tongana wâ’ nga so lo zi “siriri na ndö ti sese”. (Apocalypse 6:4). Ti hinga tongana nyen la prophétie ni so andu abira ti laso, diko article “Azo wa la ayeke na ndö ti ambarata osio so?”

• Mbeti ti Daniel afa kozo awe so kengo ndo ayeke duti na popo ti “gbia ti nord” nga na “gbia ti sud.” (Daniel 11:25-45). Ti hinga ndani so Russie nga na akodro so amû maboko na lo ayeke gbia ti norda, bâ vidéo Aprophétie so aga tâ tënë: Daniel chapitre 11.

• Mbeti ti Apocalypse asara nga tënë ti “bira ti kota lâ ti Nzapa, Lo so ngangu ti lo ahon angangu kue.” (Apocalypse 16:14, 16). Ye oko, bira ni so ayeke pëpe bira so ayeke na popo ti amara tongana ti so e yeke bâ ni laso. Ti hinga ye mingi na ndö ti ye so ayeke si ande, diko article “Qu’est-​ce que la bataille d’Armaguédon ?”

Ngbanga ti nyen la mo peut ti duti na beku na ndö ti gigi ti kekereke?

• Bible atene so Nzapa ayeke sara ande si “abira ahunzi na ndö ti sese kue.” (Psaume 46:9). Ti hinga ye mingi na ndö ti gigi ti kekereke so Nzapa amû zendo ni, diko article “Une espérance réelle pour des jours meilleurs”.

• Jésus atene lani na adisciple ti lo ti sambela ti tene Royaume ti Nzapa aga (Matthieu 6:9, 10). Royaume ni so ayeke mbeni gouvernement so ayeke na yayu so ayeke sara ande si ye so bê ti Nzapa aye ndali ti sese aga tâ tënë, na ye so Nzapa aye andu nga siriri na yâ ti dunia kue. Ti hinga tongana nyen la Royaume ni apeut ti ga na aye ti nzoni na mo, bâ vidéo Royaume ti Nzapa ayeke nyen?

A-Témoin ti Jéhovah so ayeke na Ukraine ahon 129 000. Tongana ti a-Témoin ti Jéhovah kue na yâ ti ambeni kodro, ala mû tapande ti Jésus na lege so ala yeke sara poroso ape nga ala yeke sara bira ape (Jean 18:36). Na ndö ti sese kue, a-Témoin ti Jéhovah angbâ ti fa “nzoni tënë ti Royaume” na Royaume ni so la ayeke hunzi ande akpale ti azo, so andu nga tënë ti bira (Matthieu 24:14). E tisa mo ti gi ti wara terê na e ti hinga ye mingi na ndö ti tënë ti beku so ayeke na yâ ti Bible.