Eskê a yeke nzoni mbi wara batême? Ota mbage ni: Nyen la a yeke kanga lege na mbi ti wara batême?

Eskê mbi yeke gi bê ti mbi ti mû terê ti mbi na Jéhovah nga ti wara batême? Tongana a yeke tongaso, article so ayeke aidé mo ti hon ndö ti mbeto ti mo.

Na yâ ti article so e yeke bâ:

Ka tongana mbi sara mbeni kota siokpari na peko ti batême ni?

Eskê mbi yeke sara mbeto ti sara ambeni kua na yâ ti bungbi ti Jéhovah na peko ti batême ti mbi?

Eskê mbi bâ so mbi peut ape ti sara na Jéhovah?

Amba ti mo atene ti ala nyen?

Ka tongana mbi sara mbeni kota siokpari na peko ti batême ni?

Nda ti gingo bê ni ayeke nyen?: Peut-être mo hinga mbeni zo so asara kota siokpari na a bi lo na gigi ti bungbi (1 aCorinthien 5:11-13). Mo peut ti gi bê ti mo so ye ni so ayeke si ande na mo.

“Tongana mbi gbu li na ndö ti warango batême pan, ye so aga na li ti mbi ayeke so mbi peut ti sara mbeni kota siokpari na peko ni. Mbi yeke imaginé comment so sioni sarango ye ni so ayeke sara aparent ti mbi nzoni ape.”—Rebekah.

Ye so Bible atene: “Zia zo ti sioni azia lege ti lo . . . Zia lo kiri na mbage ti Jéhovah, so ayeke sara nzoni bê na lo, zia lo kiri na mbage ti Nzapa ti e, ndali ti so lo yeke pardonné zo kue kue kue.”—Ésaïe 55:7.

Ti gbu li na ndö ni: Atâa so a zi na yâ ti congrégation azo so asara siokpari so ake ti changé bê ti ala, Jéhovah asara nzoni bê na azo so asara terê ti ala kete so achangé bê ti ala nga ala yeda na fango lege ti lo.—Psaume 103:13, 14; 2 aCorinthien 7:11.

Na ndö ni, kota ye ni ayeke so: Même si mo yeke mbilimbili-kue ape, grâce na aide ti Nzapa, mo peut ti luti na gbele atara (1 aCorinthien 10:13). Kozoni kue, zo wa la ayeke décidé na place ti mo? Mo wala mbeni zo?

“Mbi yeke lani na mbeto so mbi peut ti sara mbeni kota siokpari na peko ti batême ti mbi, me mbi ga ti bâ so tongana mbi ke ti wara batême ayeke na lege ni ape. Mbi ga ti bâ so mbi doit ape ti zia si mbeto ti ye so apeut ti si kekereke akanga lege na mbi ti sara ye so mbi doit ti sara laso.”—Karen.

Na nduru tënë: Mo peut ti ke ti sara siokpari tongana ti mingi ti awakua ti Jéhovah.—aPhilippien 2:12.

Mo ye ti hinga ye mingi na ndö ni? Bâ article “Tongana nyen la mbi peut ti luti na lê ti tara?”

Eskê mbi yeke sara mbeto ti sara ambeni kua na yâ ti bungbi ti Jéhovah na peko ti batême ti mbi?

Nda ti gingo bê ni ayeke nyen?: Na tapande, peut-être mo hinga ambeni maseka so ague na mbeni ndo so ayo na afami nga na akamarade ti ala ti sara kua ti Jéhovah mingi ahon ti kozo. A sara si mo yeke gi bê ti mo so azo ayeke ku ti tene mo sara nga tongaso.

“Mbeni Chrétien so awara batême lege ayeke zi na lo ti sara aye mingi ndali ti Jéhovah, me ti ambeni ala yeke prêt ape wala dutingo ti ala amû lege na ala ape ti sara ni.”—Marie.

Ye so Bible atene: “Zia zo oko oko atara kua ti lo ti bâ wala a yeke tongana nyen, tongaso si lo duti na ngia ndali ti kua ti lo wani, me na hakango terê ti lo na mbeni zo nde pëpe.”—aGalate 6:4.

Ti gbu li na ndö ni: A hon ti haka terê ti mo na amba ti mo, sara ye alingbi na atënë so ayeke na Marc 12:30: “Mo doit ti ndoye Jéhovah Nzapa ti mo na bê ti mo kue.”

Girisa ape so mo doit ti sara na Jéhovah na bê ti mo kue; me mbeni zo nde ape. Tongana vraiment mo ndoye Jéhovah, mo yeke gi lege ti sara na lo na bê ti mo kue.

“Atâa so batême ayeke mbeni kota desizion, me a yeke sara ape si gigi aga ngangu mingi na mo. Tongana mo yeke na anzoni kamarade, ala yeke aidé mo. Tongana yeke yeke mo gi ti sara akua ti ndali ti Jéhovah ayeke sara si mo duti na ngia. Tongana mo kpe ti wara batême, mo yeke sara sioni na terê ti mo wani.”—Julia.

Na nduru tënë: Fa singila ti bê ti mo ndali ti ndoye so Jéhovah afa na mbage ti mo. Ye ni so ayeke apusu mo ti sara ye kue so mo peut ti sara ndali ti lo.—1 Jean 4:19.

Mo ye ti hinga ye mingi na ndö ni? Bâ article “Est-ce que je suis quelqu’un de responsable ?”

Eskê mbi bâ so mbi peut ape ti sara na Jéhovah?

Nda ti gingo bê ni ayeke nyen?: Jéhovah ayeke Gbia ti dunia kue; tongana a haka lo na e, e azo e yeke ye oko ape. Mo peut ti hunda terê ti mo wala Jéhovah ayeke bi bê na mo.

“Ndali ti so aparent ti mbi ayeke aTémoin ti Jéhovah, mbi yeke gi bê ti mbi so songo ti mbi na Jéhovah ayeke tongana mbeni héritage so mbi wara ni na lege ti ala nga so Jéhovah ade ti gboto mbi na mbage ti lo ape.”—Natalie.

Ye so Bible atene: “Zo oko alingbi ti ga na mbi pëpe, gï tongana Babâ so atokua mbi si agboto lo aga na lo na mbage ti mbi.”—Jean 6:44.

Ti gbu li na ndö ni: So mo yeke gbu li na ndö ti batême afa so Jéhovah aye ti gboto mo ti ga nduru mingi na lo ahon ti kozo. Eskê mo yeke yeda na tisango ndo so?

Girisa ape so Jéhovah la ahinga azo so lo yeke gboto ala na mbage ti lo, a yeke mo ape wala mbeni zo nde ape. Nga, Bible adë bê ti mo atene tongana mo ‘ga nduru na Nzapa, . . . lo yeke ga ande nduru na mo.’—Jacques 4:8.

“So mo hinga ye na ndö ti Jéhovah nga mo ga nduru na lo afa so lo ye mo. Tongana mo pensé so mo peut ape ti sara na Jéhovah, hinga so lo yeke tongaso ape. Lo yeke sara ye lakue na lege ni.”—Selina.

Na nduru tënë: Tongana mo sara ye alingbi na aye so a hunda ti wara batême, mo lingbi awe ti sara na Jéhovah. Girisa ape so, lo lingbi ti tene mo voro lo.—Apocalypse 4:11.

Mo ye ti hinga ye mingi na ndö ni? Bâ article “Ngbanga ti nyen la mbi doit ti sambela?”