Lege ti mä yâ ti atapande so Bible asara kua na ni

Gbâ ti atapande ayeke na yâ ti Bible. Me, a yeke ngangu na azo mingi so ayeke diko Bible ti mä yâ ni (Mat. 13:13). Nyen la apeut ti aidé mo ti hinga mbilimbili nda ti atapande so Bible asara kua na ni? Gi ti sara aye so ayeke na gbe ni so:

• Gi ti hinga kota tënë ni nga na ye so a haka ni na ni. Na tapande, na Apocalypse 3:​3, Jésus atene so lo yeke ga tongana zo ti nzi. Tongaso (kota tënë ni) ayeke gango ti Jésus na a (haka ni) na zo ti nzi.

• Gi ti hinga kamba so ayeke na popo ti tënë ni nga na tapande ni. Gi ti hinga ndani so a haka tënë ni so na mbeni ye nga kamba wa la ayeke na popo ni.

• Duti sûr so mo comprendre ye ti manda ni. Na yâ ti tapande so e mû fade, Jésus aga ti nzi ye ape. Me atënë so angoro ni afa so a haka gango ti lo na ti zo ti nzi. Vrai nda ti tënë ni ayeke so gï tongana ti so mbeni zo ti nzi ayeke ga na ngoi so azo aku terê ti ala na ni ape, Jésus ayeke ga nga tongaso.