Sara kua na ‘matabisi ti mo ti yingo’

Tongana e yeke duti place oko na aita ti e ayeke kpengba e. Me ti kpengba biani na angoi ni so, e doit ti sara aye mingi ahon gï ti duti na terê ti mba. Bible airi ngangu so e yeke na ni ti kpengba mba mbeni “matabisi ti yingo”. (aRom. 1:​11, 12). Tongana nyen la e peut ti sara kua na matabisi so nzoni mingi?

Kpengba azo na lege ti atënë ti yanga ti mo. Na ngoi so mo yeke mû acommentaire na bungbi, sara hange si mo sara tënë mingi ape na ndö ti apensé ti mo nga na fini ti mo. Me, fa ye so mo manda na ndö ti Jéhovah, Bible nga na awakua ti lo so ayeke be-ta-zo. Na ngoi so e na aita e yeke sara lisoro, e peut ti sara tënë na ndö ti aye so apeut ti kpengba mabe ti ala.

Zia si adesizion nga na asarango ye ti mo akpengba azo. Na tapande, ambeni ita asoro ti ngbâ ti sara kua ti ngoi kue atâa so ala yeke na akpale. Ambeni ayeke ga lakue na bungbi ti milieu ti yenga atâa so ala yeke na akua mingi ti sara wala ala yeke na mbeni ngangu kpale ti seni.

Eskê mo yeke kpengba aita na lege ti atënë ti yanga ti mo nga na aye so mo sara? Eskê mo yeke bâ aye so aita ayeke sara nga na atënë so ala yeke tene ti kpengba mo?