Bâ nzoni na lege ti aversê so a zia na terê ti akete gere-mbeti

Aversê so a zia na terê ti akete gere-mbeti na yâ ti Mbeti ti Nzapa ti fini dunia afa so ambage nde nde ti Bible amä terê na lege so a fa ambeni versê so amû asango mingi na ndö ti mbeni tënë. Ti wara aversê so, bâ kete gere-mbeti so a zia na peko ti mbeni tënë. Na yâ ti aBible so a pete ni, bâ gere-mbeti so ayeke na terê ti tënë ni na gi ni na colonne so ayeke na milieu ti lembeti ni ti wara ambeni versê na ndö ti tënë ni. Na ndö ti jw.org wala na yâ ti JW Library®, touché gere-mbeti so ayeke na terê ti tënë ni ti bâ ambeni versê na ndö ti tënë ni.

Aversê so a zia na terê ti akete gere-mbeti apeut ti tokua mo na ndö ti:

Mara tënë ni: Versê ni afa mbeni versê so a sara tënë ti oko mbaï ni. Na tapande, bâ 2 Samuel 24:1 nga na 1 Chronique 21:1.

Atënë so mbeni zo atene so a fa peko ni: Versê ni afa ndo so a tene tënë ni so dä kozo. Na tapande, bâ Matthieu 4:4 nga na Deutéronome 8:3.

Aprophétie so aga tâ tënë: Versê ni afa mbeni prophétie wala gango tâ tënë ni. Na tapande, bâ Matthieu 21:5 nga na Zacharie 9:9.