Pensé ti fa ye so mo manda na azo

Tongana e manda Bible, e yeke bâ so e yeke nzoni. Me e yeke bâ so e yeke même nzoni mingi tongana e sara lisoro na azo na ndö ti aye so e manda so akpengba songo ti e na Jéhovah. A-Proverbe 11:25 atene: “Zo so akpengba azo, azo ayeke kpengba lo nga.”

Tongana e fa na azo aye so e manda, a yeke duti ngangu na e ape ti dabe ti e na ni nga ti mä yâ ni nzoni mingi. Ndali ti so aye so e manda a-aidé amba ti e, a nzere na e mingi ti fa na ala apendere ye so e manda.—Kus. 20:35.

Gi ti sara ye so: Na yâ ti yenga so ayeke ga, gi lege ti fa na mbeni zo ye so mo manda. Mo peut ti fa ni na mbeni zo ti sewa ti mo, mbeni ita ti congrégation, mbeni mba ti mo ti place ti kua wala ti ekole, mbeni voizin ti mo wala mbeni zo so mo wara lo na fango tënë. Gi ti fa ni na lo na atënë ti mo wani so akpengba ape nga so ayeke polele.

Girisa tënë so ape: Fa ye so mo manda na azo ti kpengba ala, me ti pika bê ti ala ape.—1 aCor. 8:1.