Leke bê ti mo

Na ngoi so e yeke manda Bible, e ye si apensé ti Jéhovah andu bê ti e wala zo ti e ti yâ ni. E peut ti manda ye na lege ti tapande ti Esdras so “aleke lani bê ti lo ti gi nda ti Ndia ti Jéhovah”. (Esdras 7:10). E peut ti leke bê ti e tongana nyen?

Sambela. Lakue tongana mo ye ti manda ye, sambela. Hunda Jéhovah ti aidé mo ti mä yâ ti ye so mo yeke manda nga ti sara ye alingbi na ni.—Ps. 119:​18, 34.

Sara terê ti mo kete. Nzapa ahonde tâ tënë na azo so na baba azia bê ti ala na ndö ti hingango ndo ti ala wani (Luc 10:21). Nga, e ye pëpe ti manda ye gï ti fa na azo so e hinga ye mingi. Tongana e manda mbeni ye si e bâ so e bezoin ti sara changement, zia e sara terê ti e kete e sara ni.

Mä mbeni bia ti Royaume. Bia apeut ti ndu bê ti e. Tongaso, tongana e mä mbeni bia kozo ti manda ye, a peut ti aidé e ti zia li ti e na ndö ti Jéhovah tongaso si aye so e yeke manda andu bê ti e.