Mû peko ti gere ti Christ mbilimbili

Jésus azia na e tapande ti tene e mû peko ni, mbilimbili na ngoi so e tingbi na atara wala a sara ye ti ngangu na e (1Pi 2:21-23). Atâa so a zonga Jésus, lo kiri peko ti zonga ni ape, même na ngoi so lo yeke bâ pasi (Mc 15:29-32). Nyen la amû maboko na lo ti gbu ngangu? Lo leke na bê ti lo ti sara ye so Jéhovah aye (Jn 6:38). Lo zia nga lê ti lo gï na ndö ti “ngia so a zia na gbele lo”.​—aHb 12:2.

E yeke sara ye tongana nyen na ngoi so a sara ye na e na lege ni ape ndali ti mabe ti e? Atâ Chrétien ayeke “kiri sioni ndali ti sioni” pëpe (aRm 12:14, 17). Tongana e mû tapande ti lege so Christ agbu ngangu na yâ ti pasi, e yeke na ngia ndali ti so Nzapa abâ e na nzoni lê.—Mt 5:10-12; 1Pi 4:12-14.

BÂ VIDÉO IRI TI JÉHOVAH AYEKE KOTA AHON YE KUE, NA PEKONI KIRI TËNË NA AHUNDANGO NDO SO:

• Tongana nyen la Ita-wali Pötzingera asara kua nzoni na ngoi ti lo na ngoi so lo yeke gï lo oko na yâ ti da ti kanga?

• Apasi wa la Ita Pötzinger na wali ti lo agbu ngangu dä na yâ ti acamp nde nde ti sarango pasi na zo?

• Nyen la amû maboko na ala ti gbu ngangu?