E yeke na kota pasa ti leke nga ti bata ada so e voro Nzapa dä

Lekengo temple ti Jéhovah a hunda lani ti sara kua mingi nga a hunda gbâ ti nginza. Atâa so kue, azo ti Israël amû mbage na kua ni na bê ti ala kue (1Ch 29:2-9; 2Ch 6:7, 8). Na peko ti so kua ni ahunzi awe, lege so azo ti Israël ayeke bata na da ni la ayeke fa so ala bâ aye ti yingo na nene ni wala pëpe (2aG 22:3-6; 2Ch 28:24; 29:3). Laso, awakua ti Jéhovah ayeke mû angoi mingi nga na angangu ti ala ti leke aDa ti Royaume nga na aDa ti Assemblée, ti bata ni nga ti sara si aduti propre. Ni la, ti sara kua legeoko na Jéhovah tongaso ayeke mbeni kota pasa na popo ti akua kue so e yeke sara na lo.—Ps 127:1; Apc 7:15.

E LINGBI TI SARA NI NA:

• 

  Balengo ndo lakue na peko ti bungbi. Tongana mo peut ti sara ni ape, na nzoni bê bâ si ndo so mo duti dä aduti propre.

• 

  Mungo mbage lakue ti sara si Da ti Royaume ti e aduti propre nga ti bata ni nzoni. Tongana azo kue amû mbage na kua ni, kua ni ayeke yapu nga zo kue ayeke duti na ngia.​—lv 92-93 par. 18

• 

  Mungo a-offrande. Même “lê ti nginza use so ngere ni ayeke kete mingi” so a mû ni na bê kue anzere na Jéhovah.—Mc 12:41-44.

• 

  Sarango kua tongana volontaire ti leke ando so e yeke voro Jéhovah dä wala ti leke peko ti ada so abuba. A hunda pëpe ti duti na kota hingango ye na ndo ti lekengo da awe si e mû mbage dä.