Fini vidéo so a sigigi na ni ti to nda ti étude na azo
Na ndo ti jw.org, azo mingi ayeke bâ mbeni nduru vidéo so li ni ayeke “Ndani nyen ti manda Bible?” A sigigi na vidéo so ti mû lege na azo so aye ti hinga tâ tënë ti yeda ti tene e manda Bible na ala senge senge. Ti wara ni, cliqué na ndo ti tënë “Kozo place”, gue na ndo ti tënë “Hunda ti tene zo aga amanda Bible na mo” wala scanné code QR so ayeke na peko ti afini tract ti e. Bâ ambeni lege so e lingbi ti sara kua nzoni na vidéo ni la.
Na ngoi so mo kiri ti sara mbeni vizite, tene na zo ni: “Mo ye mbi fa na mo mbeni nduru vidéo so afa tongana nyen mo lingbi ti wara akiringo tënë ti Bible na ahundango ndo ti mo?” Tongana lo yeda, fa na lo vidéo ni na ndo ti portable ti mo wala na ndo ti ordinateur ti lo.
Tongana e zia mbeni oko ti afini tract ti e na mbeni zo na ngoi so e yeke fa tënë na alege kue so azi wala na ndo so azo ayeke dä, fa na lo code QR ni na wa lo ti scanné ni na téléphone ti lo. Teti so na ayanga ti kodoro mingi, code QR ni ayeke gue na zo ni droit na ndo ti vidéo ni na ndo ti site ti e, peut-être lege ayeke dä ti fa na lo vidéo ni na lê ni lê ni na ndo ti téléphone ti mo.
Sara tënë ti vidéo ni na amba ti mo ti place ti kua, akamarade ti mo ti ekole, asewa ti mo, nga na ambeni zo nde, na hunda na ala ti bâ vidéo ni. Wala tokua na ala adresse ti vidéo ni na e-mail, na hunda na ala ti bâ ni ala wani.
Ti sara kua na fini vidéo so, alingbi ti mû lege na e ti to nda ti manda Bible na azo mingi, nga ti mû maboko na ala so ayeke “nduru ti yeda na tënë ni ti wara fini ti lakue lakue.”—Kus. 13:48.