Atâa aye ti ngangu so asi na Centrafrique, aita ti e angbâ lakue ti mû mbage mingi na kusala ti fango tënë, na nze ti Juillet 2013, wungo ti awafango tënë kue asi 2 656. Kozo ti tene ala wara wungo ti awakua tongaso la. Na ndo ni, surveillant ti zone so alondo na kota ndokua ti aTémoin ti Jéhovah asara vizite na kodoro ni na nze ti août so ahon. Na lango 25 ti nze ni, wungo ti azo kue so aga na bungbi so filiale ti kodoro ni aleke ayeke 3 760 na ala wara atënë ti dengo bê so akpengba zo na lege ti diskur ti surveillant ni. Kite ayeke dä pëpe so diskur ni akpengba mabe ti ala nga amû ngangu na ala.