Akode ti fango na tënë

Ti to nda ti a-étude na kozo samedi ti nze ti février

“Azo so e sara lisoro na ala ayeke na abango ndo nde nde na ndo ti Bible. Ambeni atene so Bible ayeke Tënë ti Nzapa, me ti ambeni ala bâ Bible gi tongana mbeni senge buku. Ka mo, mo bâ ti mo Bible tongana nyen?” Zia zo ni akiri tënë. Fa na lo article so ayeke na ndangba lembeti ti Tour ti Ba Ndo ti 1 février, na bâ legeoko na lo tënë so ayeke na gbe ti kozo li ti tënë ni nga diko mbeni versê so a fa tënë ti yâ ni pëpe. Mû na lo apériodique ni, nga mä tere na lo ti kiri ti sara lisoro na ndo ti use hundango tënë ni.

Tour ti Ba Ndo 1 février

“Azo mingi aye ti tene bira ahunzi. Mo pensé so ti tene siriri amû ndo ti sese kue ayeke mbeni ye so alingbi ti si biani? [Zia zo ni akiri tënë.] Bâ zendo so Bible amû ni. [Diko Psaume 46:10.] A yeke nzoni ti hinga so aye so asi na ngoi ti Kozo Bira so Amû Sese Kue nga na aye so asi na peko ni amû lege na e ti hinga so na yâ ti kete ngoi Nzapa ayeke sara si prophétie so ayeke ga tâ tënë. A fa nga so lo yeke hunzi bira teti lakue lakue. A yeke ye so mbeti so asara tënë na ndo ni.”

Réveillez-vous! février

“E yeke sara nduru vizite na azo kue ti sara lisoro na ndo ti mbeni kpale so amû ndo kue. Ti bâ ni nzoni, e yeke na aye mingi ti sarango ni me e yeke na ngoi mingi pëpe ti sara aye ni. Mo pensé so e yeke na aye mingi ti sarango ni la si ngoi ti e ayeke hon tongaso, wala ndali ti so e wani la e yeke buba ngoi ti e gi senge senge? [Zia zo ni akiri tënë.] Mingi ti azo ahinga pëpe so Bible amû na e anzoni wango so alingbi ti mû maboko na e ti sara kusala nzoni na ngoi ti e. Bâ mbeni tapande ni. [Diko aPhilippien 1:10a.] Mbeti so afa ambeni kota ye osio so amû maboko na azo mingi ti sara kusala na ngoi ti ala na lege ti ndara.”