Bata ni
Mo yeke sara kua na abrochure so?
Lege ti fini ti lakue lakue: Mo wara ni awe?
A sara ni ndali ti azo ti Afrika so amä na bê so kuâ ayeke mbeni lege so azi na zo ti gue na mbeni ndo nde
Kode ti fango ni: “Azo kutu mingi na Afrika amä na bê so kuâ ayeke mbeni lege so azi na zo ti gue na ‘ndo ti akotara.’ Ala tene ti ala so akotara la ayeke bata asewa ti ala nga ala la ayeke mû na ala mosoro. Tongana a son bê ti akotara wala a mû na ala ye pëpe, ala yeke ga na sioni ye tongana kobela, yere nga na akpale. Mo tene ti mo nyen? [Zia zo ni akiri tënë.] Mbi ye ti fa na mo ye so Bible afa na ndo ti ye so asi na kozo kotara ti e Adam, na ngoi so lani lo kui. [Diko Genèse 3:19.] Mbeti so afa ye so asi na tanga ti azo kue so awara kuâ na lege ti Adam.”
Tara ti sara ye so: Tongana zo ni amû brochure ni, zi ni na chapitre 4 na sara lisoro na lo na ndo ti chapitre ni kue wala na ndo ti mbeni mbage ni ti fa tongana nyen ala lingbi ti manda Bible.
Mo Lingbi ti Duti Ndeko ti Nzapa!
A sara ni ndali ti azo so ahinga mbeti mingi pëpe wala so ayeke na kpale ti dikongo mbeti
Kode ti fango ni: “Ti mo, zo alingbi ti ga kamarade ti Nzapa? [Zia zo ni akiri tënë. Na pekoni diko Jacques 2:23.] A sara mbeti so ti mû maboko na e ti ga akamarade ti Nzapa, tongana ti Abraham.”
Tara ti sara ye so: Na kozo ngoi so mo tingbi na zo ni wala na peko ti so mo kiri ti bâ lo, zi brochure ni na ye ti manda 1, na fa na lo tongana nyen si e yeke manda Bible na azo. Ala lingbi ti sara ye ti manda ni kue wala gi mbeni mbage ni.
I lango pëpe!
A sara ni ndali ti azo so ahunda tere ti ala na aye so ayeke si na yâ ti dunia laso na so aye si Bible afa ndani na ala
Kode ti fango ni: “Azo mingi laso ayeke na vundu ndali ti asioni ye so ayeke si wala ndali ti ambeni ye ti ngangu so asi na ala wani. Ambeni ayeke hunda tere ti ala ngbanga ti nyen Nzapa asara mbeni ye ape ti kanga lege na mara ti aye tongaso. [Diko Apocalypse 14:6, 7.] Bâ ngbanga so Nzapa ayeke dë ande na ndo ti azo. [Diko 2 Pierre 3:10, 13.] Mbeti so afa ambeni ye na ndo ti kpengba tënë so.”
Tara ti sara ye so: Tongana zo ni amû brochure ni, zi ni na lembeti 16 nga mo na lo adiko ota paragraphe ni. Na pekoni, tene: “Tongana mbi kiri ande, mbi ye si e bâ afini ye so Bible atene Nzapa ayeke ga na ni ande.” Tongana mo kiri ti bâ lo, bâ atënë so ayeke na lembeti 18.
Nzapa Abi Be Ti Lo Biani Na Ndo Ti E?
A sara ni ndali ti azo so aye ti hinga ye na ndo ti Wasarango e, lo so abi bê na ndo ti e, nga na aye so lo leke ti sara ndali ti e
Kode ti fango ni: “Mo hunda tere ti mo na tënë so awe? Tongana Nzapa abi bê ti lo biani na azo, ka ngbanga ti nyen lo yeke zia si ala bâ pasi? [Zia zo ni akiri tënë.] Mbeti so akiri tënë pendere na hundango ndo so nga afa so Nzapa amû zendo ti zi asioni ye kue so zo aga na ni na ndo ti lo wani nga na ndo ti sese.” Zi brochure ni na lembeti 27 na diko paragraphe 23 ni. Fa foto so ayeke na gbe ni, na diko Psaume 145:16 ti yâ ti paragraphe 22.
Tara ti sara ye so: Tongana zo ni amû brochure ni, hunda na lo mbeni tënë so mo yeke kiri ande tënë na ni na vizite ti peko. Na tapande: “Mo ye ti hinga tongana nyen la Nzapa ayeke sara ande si azo ayeke duti nzoni nga si sese aga paradis?”