Mo sara kusala na ni awe?

Na ngoi so azo ayeke mû apériodique na maboko ti e, ala yeke bâ ka ndo ni na ala turnê ti bâ pekoni. A yeke wara na peko ti Tour ti Ba Ndo ti fango na tënë gbâ ti ahundango ndo so ayeke zingo nzara ti zo nga na alembeti so afa ndo so a lingbi ti wara asango ni dä.

E lingbi ti sara kusala na mbage so ti wara anzoni hundango tënë ti to nda ti lisoro. Tongana e yeke sara territoire ti e lakue lakue, e lingbi ti gbian lege so e yeke fa na apériodique ni na sarango kusala na ahundango tënë nde nde na yâ ti nze ni. Tongana zo so e ye ti fa tënë na lo ayeke na ngoi pëpe, e lingbi ti sara tënë nduru na fango na lo ahundango tënë so ayeke na peko ti périodique ni na e tene na lo: “Tongana mo ye ti hinga kiringo tënë ni, mbi lingbi ti zia apériodique ni na mo na e lingbi ti sara tënë na ndo ni tongana mo wara ngoi.” Ambeni wafango tënë alingbi ti soro ti ala ti fa peko ti périodique ni na zo ni na ti hunda na lo ti soro hundango tënë so anzere na lo. Na pekoni ala fa na lo ndo so lo lingbi ti wara kiringo tënë ni dä na ala diko mbeni versê so ala soro kozoni awe. Mo lingbi peut-être ti gbu li ti mo na ndo ti ambeni lege nde ti sara kusala na aye so ayeke na peko ti Tour ti Ba Ndo ti zia nzara ti dikongo ni na yâ ti azo.