“Lege ti fa apériodique na . . .”

Nze na nze e yeke wara na Bungbi ti Kusala mbeni mbage so afa lege ti zia na apériodique. Ndani ayeke pëpe ti dabe ti e na atënë ti yâ ti apériodique ni. Nde na so, a leke mbage so ti fa na nduru tënë lege ti fa na apériodique. Ni la, ti sara ye alingbi na awango so, a lingbi ita so ayeke sara mbage ni so ato nda ni na mbeni nduru tënë ti zingo nzara ti mungo apériodique ni. Tongaso, lo yeke hunda na awafango tënë ti fa kode ti fango a-article ni na azo. Me lo yeke hunda na ala ti fa akode nde nde na ndo ti mbeni article oko wala ala so andu kota mama-tene ni, si azo kue alingbi ti mû pekoni na ti sara kusala na ni na fango tënë. Ahon ti tisa awamango mo ti fa kode ti mungo apériodique ni kue, hunda awamango mo ti fa ahundango tënë so alingbi ti ndu bê ti azo ti yâ ti territoire ti e na pekoni fa mbeni versê so alingbi ti diko. Ko nda ni na lege ti ambeni démonstration teti périodique oko oko. A wa e ti diko apériodique kozoni si e ga na bungbi. Tongana azo kue aleke tere ti ala nzoni, mbage so ayeke mû maboko na e ti sara si lê ti amba ti e aza.​—aProv. 27:17.