Ye ti tene na ndo ti apériodique

Tour ti Ba Ndo 1 octobre

“Ambeni zo atene so tongana mo yeke be-ta-zo na Nzapa, lo yeke mû na mo gbâ ti mosoro, me tongana mo yeke be-ta-zo pëpe, lo yeke sara si mo ga wayere. Mo pensé ti mo nyen? [Zia zo ni akiri tënë.] Bâ Jésus ayeke lani zo ti mosoro pëpe. [Diko Luc 9:58.] Mbeti so afa mara ti aye ti nzoni wa a lingbi awakua ti Nzapa aku na mbage ti lo.”

Réveillez-vous! octobre

“Mo bâ so laso asewa atingbi na akpale mingi? [Zia zo ni akiri tënë.] Azo mingi ahinga pëpe nzoni ti awango so ayeke na yâ ti Bible. Bâ mbeni tapande ni la. [Diko mbeni versê so ayeke na yâ ti périodique ni.] Réveillez-vous! so, so ayeke ti lo nde, afa tongana nyen akpengba-ndia ti Bible alingbi ti mû maboko na asewa ti hon ndo ti mara ti akpale nde nde.”

Tour ti Ba Ndo 1 novembre

“A yeke si na e kue ti tingbi na akpale na yâ ti gigi ti e. [Fa ambeni so ayeke si ka na azo mingi na yâ ti territoire ti mo.] Mo pensé so Nzapa alingbi ti mû maboko na e na yâ ti akpale so? [Zia zo ni akiri tënë.] Na yâ ti versê so Jésus afa mbeni oko ti lege so Nzapa alingbi ti mû maboko na e. [Diko Luc 11:13.] Mbeti so afa ye so a iri ni yingo vulu nga tongana nyen e lingbi ti bâ nzoni na lege ni.”

Réveillez-vous! novembre

“Aye tongana téléphone ti maboko na ordinateur aga aye so lâ oko oko azo ayeke sara kusala na ni. Mo pensé so sarango kusala na agbakuru so ayeke te ngoi ti zo wala ayeke bata ni? [Zia zo ni akiri tënë.] Azo mingi ayeda na wango so ahunda ti tene e sara kusala na ngoi ti e na lege ti ndara. [Diko aÉphesien 5:15, 16.] Mbeti so afa tongana nyen e lingbi ti sara kusala na aye tongana téléphone wala ordinateur na mbeni lege so ahon ndo ni pëpe.”