Atokua

◼ Ambeti ti fa na Octobre: Tour ti Ba Ndo na Réveillez-vous! Tongana azo asara nzara ni, e fa na ala tract Mo ye ti hinga tâ tënë? nga e sara lisoro na ndo ni. Tongana azo ni ayeke na tract ni awe, e gi ti to nda ti manda Bible na ala. Novembre: Bible afa nyen biani? Tongana azo ni ayeke na buku ni awe, awafango tënë alingbi ti fa buku kue ti lembeti 192 so akugbe ni aye ti be wala buku kue so a sara ni kozo na ngu 1995. Décembre: Koli so ahon tanga ti azo kue. Tongana azo ni ayeke na amolenge, fa buku Mä Kota Wafango ye. Janvier 2010: Bible afa nyen biani? Tongana azo ni ayeke na buku ni awe, awafango tënë alingbi ti fa buku kue ti lembeti 192 so akugbe ni aye ti be wala buku kue so a sara ni kozo na ngu 1995. Février 2010: Awafango tënë alingbi ti fa mbeni oko ti abuku so a fa ni ge, tongana a yeke dä: Y a-t-il un Créateur qui se soucie de vous?, Lingu ti Tâ Ngia ti Sewa wala Bible: A Yeke Tene ti Nzapa Wala ti Azo?

◼ A yeke zia fadeso mbeti-kapa ti Ekole ti Kusala ti aChrétien ti ngu oko oko na yâ ti Kusala ti Royaume mbeni pëpe. Me congrégation oko oko ayeke wara ande mbeti-kapa ni ti ngu oko oko, nga a yeke nzoni a zia mbeni copie ni oko na tableau. Fade surveillant ti ekole ayeke bata mbeni oko ndali ti adevoir. Awafango tënë ayeke ngbâ lakue ti wara Kusala ti Royaume ti ala ti nze oko oko. Na yâ ni a yeke wara teti yenga oko oko kapa ti Mandango Bible ti Congrégation, ti Ekole ti Kusala ti aChrétien nga na ti Bungbi ti Kusala.

◼ A yeke sara ande kue ti kangbi mbeti ti tisango azo na kota bungbi ti district ti 2009 nga na a-assemblée internationale so a yeke sara ni na ndo ti sese kue. Awafango tënë ayeke wara ande lege ti kangbi ambeti so na yâ ti territoire ti ala. A yeke nzoni ti to nda ti kapa ti kangbingo ambeti so ayenga ota kozoni na lango ti kota bungbi ti district ti congrégation ni.

◼ Awafango tënë kue ayeke wara ande abadge na lege ti congrégation ti ala. Azo so ayeke gue na a-assemblée internationale ayeke sara kusala gi na oko badge ni.

◼ A lingbi ti gbian kapa ti bungbi ti kusala ti yenga so aga kozo na yenga ti Kota Bungbi ti District “Ala lango pëpe!” ti kiri ti bâ awango nga na adango bê so a mû na ndo ti tënë ti guengo na kota bungbi ni. Nze oko wala use na peko ti kota bungbi ni, a lingbi ti mû ngoi ti bezoin ti congrégation ti kiri ti bâ angbongboro tënë ti yâ ti kota bungbi ni so awafango tënë abâ so ayeke mû maboko na ala na yâ ti fango tënë.

◼ A wa a-ancien ti sara ye alingbi na ye so a fa na yâ ti Tour ti Ba Ndo ti 15 avril 1991 na Français, lembeti 21-23, na mbage ti zo kue so ayeke fadeso Témoin ti Jéhovah mbeni pëpe na so a sara nzara ti kiri na bungbi.