Kapa ti Bungbi ti Kusala

Kete tënë: Na ngoi ti sarango akota bungbi ti district, a yeke wara ande na yâ ti Kusala ti Royaume programme ti Bungbi ti Kusala teti yenga oko oko kue. Akongregation alingbi ti gbian aye na yâ ni alingbi na ni ti mû lege na azo ti gue na Kota Bungbi ti District “Yingo ti Nzapa afa lege na e”. Na ndangba Bungbi ti Kusala kozo ti gue na kota bungbi ni, tongana lege ayeke dä, ala mû penze-ngbonga 15 ti bâ wango na dango bê so a mû na yâ ti supplément ti nze ti septembre 2008, so alingbi na kongregation ni. Nze oko wala use tongaso na peko ti kota bungbi ni, ala mû penze-ngbonga 15 wala 20 na ngoi ti Bungbi ti Kusala (peut-être a lingbi ti mû ngoi ti bezoin ti kongregation) ti dabe na angbongboro mbage ti kapa ti kota bungbi ni so amû maboko mingi na awafango tënë na yâ ti fango tënë. Fade surveillant ti kusala si ayeke sara dango bê ni. Tisa azo ti fa tongana nyen ala yeke sara kusala na awango so wala ala leke ti sara kusala na ni na yâ ti kusala ti ala ti fango tënë.

Yenga ti 13 octobre

Bia 174

pn 10: Atokua ti kongregation. Fa ye so kongregation aleke teti kota kapa ti kangbingo tract so ayeke to nda ni na 20 octobre, na wa azo ti kamata atract so mingi tongana ala ade ti sara ni pëpe. Sara tënë nduru na ndo ti tapande ti ye ti tene na ndo ti Tour ti Ba Ndo ti 1 octobre na Réveillez-vous! ti octobre so ayeke na lembeti 8. Teti awafango tënë mingi akangbi apériodique so na yâ ti akete yenga so ahon awe, tisa ambeni na popo ti awamango mo ti fa peko ti ye so asi na ala na fango tënë.

pn 35: “Fini kapa ti bungbi ti kongregation.”a Tongana ngoi angbâ, diko aversê so a fa atënë ti yâ ni pëpe na tisa azo ti sara tënë na ndo ni.

Bia 216

Yenga ti 20 octobre

Bia 113

pn 5: Atokua ti kongregation na ti Kusala ti Royaume so alingbi.

pn 20: Bata ngia ti mo na yâ ti kusala ni. Diskur so amû ngangu na zo so a sara na lege ti Tour ti Ba Ndo ti 1 juillet 2005 lembeti 24-25, paragraphe 11-17. Na yâ ni, hunda tënë na wakua oko wala use so aduti be-ta-zo na Jéhovah teti ngu mingi. Nyen la amû maboko na ala ti bata ngia ti ala tongana azo ake ti mä nzo tënë?

pn 20: Ekole ti Kusala ti aChrétien ti ngu 2009. Surveillant ti ekole asara lisoro na azo na ndo ti fini Ekole ti Kusala ti aChrétien so ayeke na gbe ti tënë “Ye so a hunda ti sara” so a fa na yâ ti Mbeti-kapa ti Ekole ti Kusala ti aChrétien. Fa agbiango ye so a sara na yâ ni. Wa azo kue ti sara ngangu ti sara adevoir so a mû na ala, ti leke ti kiri tënë na ndo ti angbongboro tënë ti dikongo Bible, na ti sara ye alingbi na wango so surveillant ti ekole ayeke mû yenga na yenga na lege ti buku Wara nzoni na lege ti Ekole ti Kusala ti aChrétien.

Bia 148

Yenga ti 27 octobre

Bia 30

pn 5: Atokua ti kongregation. Diko tënë ti acompte nga na mbeti so filiale atokua.

pn 10: Bezoin ti kongregation.

pn 30: “Nene ti mandango Bible zo mveni nga na sewa.”b Tongana ngoi angbâ, diko aversê so a fa atënë ti yâ ni pëpe na tisa azo ti sara tënë na ndo ni.

Bia 142

Yenga ti 3 novembre

Bia 100

pn 10: Atokua ti kongregation. Dabe ti awafango tënë ti zia rapport ti ala ti nze ti octobre.

pn 20: Leke tere ti fa Tour ti Ba Ndo ti 1 novembre na Réveillez-vous! ti novembre. Na peko ti nduru tënë na ndo ti apériodique ni, hunda na azo ti fa article wa ala bâ so ayeke nzere ande mingi na azo ti territoire na ti fa ngbanga ti nyen. Tisa awamango mo ti fa mbilimbili tënë wa ala leke ti hunda na azo ti to nda ti lisoro nga versê wa na yâ ti article ni ala leke ti diko kozoni si ala mû apériodique ni na azo. Wamungo diskur ni ahunzi lisoro ni na lege ti démonstration so afa tongana nyen a lingbi ti fa périodique oko na oko, na sarango kusala na atapande ti ye ti tene na ndo ti apériodique so ayeke na lembeti 8 wala mbeni nde so alingbi ti nzere na azo ti territoire ni.

pn 15: Sara si “kode ti fango ye” ti mo aga nzoni. Surveillant ti kusala wala mbeni ancien so alingbi afa na asara tënë nduru na ndo ti akota ye oku so andu nzoni fango ye so ayeke na yâ ti Tour ti Ba Ndo ti 1 janvier 2008, lembeti 13-16, paragraphe 5-18. Hunda tënë na wafango tënë oko wala use so abâ so asango so amû maboko na ala ti maï kode ti ala ti fango ye.

Bia 91

[Akete tënë na gbe ni]