Kapa ti bungbi ti Kusala

Yenga ti 11 février

Bia 168

pn 10: Atokua ti kongregation. Sara kusala na awango ti lembeti 8 ti fa tongana nyen ti fa Tour ti Ba Ndo ti lango 1 ti février na Réveillez-vous! ti février. A lingbi nga ti sara kusala na ambeni nde so alingbi na territoire ni.

pn 15: Mo lingbi ti sara kusala na ndo so a hunda ti wara awafango tënë dä mingi? Diskur na lisoro na azo na lege ti Tour ti Ba ndo ti lango 15 ti juillet 2003, lembeti 20. Yôro na yâ ni atënë ti buku Bungbi, lembeti 111, paragraphe 1 ti si na lembeti 112, paragraphe 1. Hunda tënë nduru na ambeni wafango tënë so ague na ndo so a hunda ti wara awafango tënë dä mingi. Akpale wa ala tingbi na ni na ala hon ndo ni tongana nyen? Aye ti nzoni wa ala wara na pekoni?

pn 20: Mû maboko na afini zo ti ga awafango tënë. Na peko ti akozo tënë ni so asi penze-ngbonga oko pëpe, sara lisoro na lege ti hundango tënë na kiringo tënë na ndo ti Tour ti Ba ndo ti 1 décembre 2005, lembeti 31; sara kusala na ahundango tënë ti étude ni. Na peko ti lisoro na ndo ti paragraphe 18, sara démonstration so na yâ ni mbeni zo ahunda tënë ti kanga lege na lisoro na mbeni fini wafango tënë so afa tënë legeoko na mbeni ita so akpengba awe. Kiringo tënë ti lo aluti nzoni pëpe, na zo ni akaï lisoro ni. Tongana ala hon yanga-da ni kete, ita ni agonda fini wafango tënë ni ndali ti ngangu so lo sara, na pekoni lo fa na lo tongana nyen ti sara kusala na buku Comment raisonner ti kiri tënë tongana mbeni zo ahunda tënë tongaso mbeni lâ.

Bia 50

Yenga ti 18 février

Bia 17

pn 10: Atokua ti kongregation na ti Kusala ti Royaume so alingbi.

pn 10: Bezoin ti kongregation.

pn 25: “Kusala so afa na gigi tâ mabe!”a Surveillant ti kusala si asara ni. Hunzi na dango bê ti kongregation na ndo ti aye so ala sara kusala dä nzoni na yâ ti ngu so ahon.

Bia 194

Yenga ti 25 février

Bia 81

pn 10: Atokua ti kongregation. Dabe ti awafango tënë ti zia rapport ti ala ti nze ti février. Diko tënë ti acompte nga na mbeti so filiale atokua teti a-offrande. Sara démonstration ti fa tongana nyen ti sara kusala na mbeti ti tisango ndo na Dango bê na kui ti Seigneur ti tisa mbeni zo ti sewa ti e wala mbeni voizin ti e.

pn 20: “Kiri singila na dango bê na ye so Nzapa amû ti zi na azo”b Tongana ngoi angbâ, tisa azo ti sara tënë na ndo ti aversê so a fa tënë ti yâ ni pëpe.

pn 15: : Sara kusala na Bible ti kiri tënë. Diskur na lisoro na lege ti buku Ekole ti Kusala, lembeti 143-144. Sara nduru démonstration so na yâ ni mbeni wafango tënë asara kusala na Bible ti kiri tënë na mbeni hundango-tënë so e yeke mä ka ni mingi na yâ ti territoire.

Bia 119

Yenga ti 3 mars

Bia 223

pn 10: Atokua ti kongregation. Bâ tënë ti encadré “Adango bê teti Mémorial.”

pn 20: Mo lingbi ti to nda ti étude na nze ti mars? Lisoro. Na nze ti mars fade e yeke kangbi buku Bible afa na gingo ti to nda ti a-étude. Fa ambeni tënë wala aye ti yâ ti buku ni so apika bê. Fa tongana nyen ti zia buku ni tongana e kiri ti bâ mbeni zo so asara nzara ti tënë ni na ngoi so e zia na lo mbeti ti tisango ndo teti Dango bê na kui ti Seigneur, tongana e kiri ti bâ mbeni zo so e zia périodique na lo nga tongana e yeke kangbi ni da na da na peko ti lango 22 ti mars. (Bâ km 8/07 l. 3; km 3/06 l. 1, par. 3; km 2/06 l. 5-8.) Sara démonstration oko wala use ti fa ni.

pn 15: Leke tere ti mo ti kangbi afini périodique. Lisoro. Na peko ti nduru tënë na ndo ti Tour ti Ba Ndo ti 1 mars nga na Réveillez-vous! ti mars, hunda na aita ti fa a-article wa alingbi ti nzere na azo ti territoire ni na ngbanga ti nyen. Tisa ala ti fa ambilimbili tënë ti yâ ti article ni so ala leke ti sara tënë na ndo ni. Tënë wa a lingbi ti hunda ni ti to nda ti lisoro? Versê wa ti yâ ti article ni a lingbi ti diko na pekoni? Na lege ti awango ti lembeti 8 ti Kusala ti Royaume ni, sara démonstration ti fa tongana nyen ti fa Tour ti Ba Ndo ti 1 mars na Réveillez-vous! ti mars.

Bia 145

[Akete tënë na gbe ni]