Atokua

◼ Ambeti ti fa na décembre: Koli so ahon tanga ti azo kue. Na tere ni mo lingbi ti sara kusala na buku Ga ndulu na Jéhovah wala Lingu ti Tâ Ngia ti Sewa. Janvier 2008: Buku Hingango Ye wala abuku kue so a sara ni kozo na ngu 1991 so kongregation ayeke na ni. Tongana ala yeke na abuku so pëpe, ala bâ na mbeni kongregation so ayeke nduru na ala wala lo yeke na angbene buku so mingi, si ala lingbi ti hunda ambeni ti sara na kusala. Akongregation so ayeke na angbene buku so pëpe alingbi ti fa brochure I lango pëpe! Février: Lingu ti Tâ Ngia ti Sewa wala Y a-t-il un Créateur qui se soucie de vous? Mars: Bible afa nyen biani? E sara kue ti to nda ti manda Bible na azo. Avril: Tour ti Ba Ndo na Réveillez-vous! E sara ngangu ti sara vizite na afini zo so aga na Mémorial nga na kota diskur so asara na pekoni. Nda ti vizite so ayeke ti to nda ti manda Bible na azo so ade ti yeda na ni pëpe.

◼ A lingbi mbeni zo so surveillant-président asoro abâ acompte ti kongregation teti anze ti septembre, octobre na novembre. A lingbi a mû gi oko zo lakue ti sara ni pëpe. Tongana a sara ni awe, fade a sara tokua na ndo ni na kongregation na ngoi ti dikongo tondo ti acompte ti peko.​—Bâ mbeti Instructions pour la comptabilité des congrégations (S-27).

◼Na ngu 2009, a yeke sara Dango bê na kui ti Seigneur na jeudi 9 avril, na peko ti lindango ti lâ. A fa lango so kozoni ti mû lege na akongregation mingi so asara abungbi na yâ ti Da ti Royaume oko ti gi ambeni da nde ti sara na matanga ni. Ye so amû lege na ala ti bata da ni wala ti loué ni. A lingbi a-ancien amä tere na wa ti ndo ni ti tene mbeni kusala nde na yâ ti da ni abuba pëpe tambela ti matanga ni, so a lingbi a duti na yâ ti siriri nga na lege ni.