Dango bê ti Ekole ti Kusala ti aChrétien

Fade a yeke sara lisoro na ndo ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 31 ti décembre 2007. Fade surveillant ti ekole ayeke mû li ni dä teti penze-ngbonga 30. Lo yeke luti ande na ndo ti ambeti so a bâ ni na yenga ti lango 5 ti novembre ti si na lango 31 ti décembre 2007.

KODE TI SARANGO TËNË

 1. Atënë wa a lingbi e girisa ni pëpe tongana e ye si atënë ti e ti nda ni aduti nzoni? [be l. 220 par. 4–l. 221 par. 3]

 2. Tongana nyen e lingbi ti hinga so ye so e tene na fango tënë ayeke tâ na lege ni? [be l. 223 par. 2-4]

 3. Na ngoi so e yeke sara devoir wala diskur, tongana nyen e lingbi ti fa so e bâ na nene ni mingi kusala ti kongregation so ayeke “pilier na gere ti tene-biani”? (1 Tim. 3:15) [be l. 224 par. 1-4]

 4. Ngbanga ti nyen a yeke kota ye ti gi ti hinga wala asango so e yeke fa pekoni na azo ayeke tâ tënë? E lingbi ti sara ni tongana nyen? [be l. 225 par. 1-2]

 5. Tongana e yeke fa ye na azo, tongana nyen e lingbi ti sara si atënë ni aduti polele na li ti ala? [be l. 226 par. 3–l. 227 par. 1]

DEVOIR 1

 6. Ye wa afa so mbaï ti Jonas ayeke tâ mbaï? [si l. 153 par. 3]

 7. Prophétie wa ti Michée ague oko na tënë ti Royaume ti Nzapa so Jésus Christ akomande na yâ ni? [si l. 158 par. 18]

 8. Ye wa afa so a sû buku ti Habakuk na gbe ti yingo ti Nzapa? [si l. 161 par. 4]

 9. Ngbanga ti nyen e lingbi ti tene so na ngu 520 kozo ti Christ aJuif ade ti hunzi pëpe ti sara ye so ala londo na ngbâa ala kiri ngbanga ni? (Ag. 1:4) [si l. 166 par. 3]

10. Zacharie asara tënë lege mingi na ndo ti kota lâ wa? [si l. 172 par. 26]

DIKONGO BIBLE YENGA OKO OKO

11. Prophétie ti Joël na ndo akete nyama so amû ndo kue aga tâ tënë tongana nyen na ngoi ti abazengele nga na ngoi ti e? (Joël 2:1-10, 28) [w07 1/10 “Tënë ti Jéhovah ayeke na fini​—Akota tënë ti mbeti ti Joël na ti Amos”]

12. “Sakpa ti le-keke ti ngoi ti lâ” aye lani ti tene nyen? (Amos 8:1, 2) [w07 1/10 “Tënë ti Jéhovah ayeke na fini​—Akota tënë ti mbeti ti Joël na ti Amos”]

13. Na lege wa Jéhovah ‘ake sioye so Lo tene fade lo sara na azo ti Ninive’? Tënë so abâ e tongana nyen? (Jonas 3:10) [w03 15/7 l. 17-18]

14. Ti tambela na iri ti Jéhovah aye ti tene nyen? (Mi. 4:5) [w03 15/8 l. 17 par. 19]

15. Lawa nga tongana nyen Jéhovah aga na yâ ti “temple” ti lo na ngoi ti e ti fâ ngbanga? (Mal. 3:1-3) [re l. 32 encadré; jd l. 179 par. 3–l. 181 par. 6]