Atokua

◼ Ambeti ti fa na mars: Bible afa nyen biani? Sara kue ti to nda ti a-étude. Avril na mai: Fa Tour ti Ba Ndo na Réveillez-vous! Na ngoi ti sarango avizite na azo so asara nzara ti tënë ni, zia na popo ni ala so aga na Mémorial wala na ambeni bungbi so ayeke nde so a leke ni, me so ade ala mû mbage pëpe na akusala ti bungbi. Bi bê mingi ti zia buku Bible afa nyen biani? na maboko ti azo. Ye so e zia na gbele e ayeke ti to nda ti manda Bible na azo na yâ ti buku so. Juin: Mä Kota Wafango ye. Tongana zo ni atene lo yeke na molenge pëpe, fa na lo buku Tâ Ngia ti Sewa.

◼ Teti so nze ti avril ayeke na anda-yenga oku, a lingbi ti duti mbeni nzoni ngoi ti mû kusala ti pionnier auxiliaire.

◼ Fade a yeke sara Mémorial na mercredi, lango 12 ti nze ti avril ngu 2006. Tongana kongregation ti i ayeke na bungbi na mercredi ni so, a lingbi a zia ni na mbeni lango nde na yâ yenga ni, tongana Da ti Royaume ni ayeke senge. Tongana lege ayeke dä pëpe, a yeke nzoni ti yôro ande na yâ kapa ti mbeni Bungbi ti Kusala ti peko ambeni mbage ti bungbi ni so andu kongregation.

◼ A yeke nzoni teti akongregation ti mû hio na aita afini Tour ti Ba Ndo na Réveillez-vous! so ala wara ni. Ye so ayeke mû ande lege na awafango tënë ti diko na ti hinga ye so ayeke na yâ ni kozo ti gue ti kangbi ni na fango tënë. Tongana Kusala ti Royaume asi, a yeke nzoni ti kangbi ni hio na awafango tënë. A lingbi ti kangbi ni na yâ ti agroupe ti Mandango Buku.

◼ Filiale ayeke bâ pëpe lege ti ambeti so awafango tënë oko oko ahunda ni na lo. Fade surveillant-président ayeke bâ lege ti tene kozoni si a tokua commande ti ambeti ti kongregation na filiale, a lingbi nze oko oko a sara tënë ni na ngoi ti akete tënë. Tongaso, a yeke mû ande lege na ala kue so aye ti wara ambeti teti ala mveni ti sara tënë ni na ita so abâ lege ti ambeti. A lingbi i dabe i na ambeti so i lingbi ti wara ni na lege ti demande so a sara ni nde.