Kapa ti Bungbi ti Kusala

Yenga ti 13 mars

Bia 41

pn 10: Akete tënë. Atokua ti Kusala ti Royaume so alingbi. Sara kusala na awango ti lembeti 6 na yâ ti adémonstration ti fa tongana nyen ti fa Tour ti Ba Ndo na Réveillez-vous! Na hunzingo ti adémonstration ni oko oko kue, awafango tënë ni asara kusala na lembeti 32 ti Tour ti Ba Ndo so agboto lê na ndo ti Mémorial wala mbeti ti tisango ndo ti tisa azo ni ti ga na Mémorial.

pn 15: “Mû maboko na azo ti wara nzoni na lege ti ye so a mû ti zi na e.”a Mbage so ayeke ga na peko ti so ayeke fa ande tongana nyen e lingbi ti sara kusala na lembeti 206-208 ti buku Bible afa ti tisa azo na Mémorial.

pn 20: Kobe ti Seigneur: mbeni matanga so amû gonda na Nzapa. Lisoro na lege ti ahundango tënë na akiringo tënë so aluti na ndo lembeti 206-208 ti buku Bible afa. Na yâ ti atënë ti tongo nda ni so aninga penze-ngbonga oko pëpe, fa tongana nyen a lingbi ti to nda ti lisoro na zo na lege ti dikongo kozo paragraphe ni. Na pekoni, tisa azo so aga ti sara tënë na ndo ti ahundango tënë so ge sân ti diko aparagraphe ni (par. 2) Lawa si Jésus azia na sese Matanga ti Dango bê na kui ti lo? (par. 3) A lingbi a sara matanga ti Kobe ti Seigneur fani oke? (par. 4) Bible afa so a yeke sara Mémorial tongana nyen? (par. 5) E hinga tongana nyen so Jésus achangé lani pëpe mapa si aga tere ti lo na vin si aga mênë ti lo? (par. 6) Mapa so mama ni ayeke dä pëpe aduti fä ti nyen? (par. 7) Bengba vin ni aduti fä ti nyen? (par. 8) Azo wa la ayeke na droit ti te mapa ni na ti nyon vin ni? (par. 9) Lawa si a yeke sara matanga ni ngu oko oko, na ngbanga ti nyen a lingbi e gue ti bâ ni? Gboto lê na ndo ti angbongboro versê ni tongana ngoi ayeke dä. Wa azo kue ti bâ atënë so na awamandango Bible nga na azo kue so ala tisa ala ti ga na Mémorial. Fa na ala ti sara ni na dikongo aparagraphe, na sarango lisoro na ndo ti angbongboro tënë ni nga na hundango atënë so akpengba pëpe, tongana ti so a zia ni na yâ ti mbage so.

Bia 134 na sambela ti nda ni.

Yenga ti 20 mars

Bia 18

pn 10: Akete tënë. Bâ akota tënë ti encadré “Adango bê teti Mémorial.” Wa azo kue ti diko Nombre chapitre 25 nga na ambeni tënë na ndo ni na yâ ti Étude perspicace des Écritures, mbage 2, lembeti 302, paragraphe 4-6. Na pekoni, bâ kasete vidéo Des exemples qui nous servent d’avertissement ti leke na tere ndali ti lisoro na Bungbi ti Kusala ti yenga ti 3 avril. Tongana kasete vidéo ni ayeke dä pëpe, diko Tour ti Ba Ndo ti Français ti 1 mars 1995, lembeti 15-17, na gbe ti kete li ti tënë “Des exemples qui ont valeur d’avertissement”, wala br4 ti Sango, lembeti 5-7 na gbe ti kete li ti tene “Atapande ti Gbotongo Me” na ga na ni na ngoi ti bungbi.

pn 23: Kusala ti Christ na yâ ye so Nzapa aleke. Mbeni diskur so aluti na ndo buku Bungbi so a leke ni ti sala ye so Jéhovah aye, lembeti 10-13. Na ngoi so mo yeke sara lisoro na ndo ti akozo use paragraphe ni so ayeke na gbe ti kete li ti tënë “Kusala ti Christ ayeke so wa?”, mû penze-ngbonga ota wala osio ti mû awango nga ti fa tongana nyen ti sara kusala na mbeti ti tisango ndo na Mémorial. Kiri mo bâ awango ti Kusala ti Royaume ti février 2006, lembeti 3, paragraphe 3.

pn 12: Dikongo versê ti lâ oko oko akpengba e. Diskur nga na lisoro na azo so aga na ndo kozo tënë ti brochure Gingo nda ti Tënë ti Nzapa lâ oko oko 2006. Leke si mbeni sewa asara démonstration so, na yâ ni, ala bâ versê ti lango ni nga ala diko atënë so a sû na ndo ni.

Bia 103 na sambela ti nda ni.

Yenga ti 27 mars

Bia 44

pn 15: Akete tënë. Dabe ti awafango tënë ti zia rapport ti ala ti nze ti mars. Diko tënë ti acompte nga na mbeti so filiale asû teti a-offrande so a tokua na lo. Sara kusala na awango ti lembeti 6 na yâ ti démonstration ti fa tongana nyen ti fa Tour ti Ba Ndo na Réveillez-vous!

pn 12: “Lettre ti Wabatango Bungbi.” Diskur so mbeni ancien so alingbi si asara ni. Tisa azo so aga ti fa bê ti kiri singila ti ala ndali ti nzobe ti Jéhovah so zo alingbi na ni pëpe, so lo fa ni na yâ ti ngu ti kusala so ahon.

pn 18: “Fa na azo ti tâ be-ti-molenge ti tambela na lege ti Nzapa”b Zia na yâ ni atënë so a gboto ni na yâ ti Tour ti Ba Ndo ti 1 juillet 2004, na paragraphe 9 ti lembeti 16. Nga, fa tongana nyen ti sara kusala na mbeti ti tisango ndo ti tisa azo so asara nzara ti tënë ni ti ga na Mémorial.

Bia 170 na sambela ti nda ni.

Yenga ti 3 avril

Bia 199

pn 15: Akete tënë. Kiri mo bâ na nduru tënë article: “E wara ngia na yâ mandango buku Bible afa nyen biani?” so ayeke na lembeti 9 ti Kusala ti Royaume ti février 2006. Gboto lê na ndo kapa ti mandango buku Bible afa. Tisa azo so aga ti fa aye ti nzoni so ala wara na ngoi so ala fa buku Bible afa na nze ti mars. Nga, fa tongana nyen ti sara kusala na mbeti ti tisango ndo ti tisa azo so asara nzara ti tënë ni ti ga na Mémorial.

pn 10: Bezoin ti kongregation.

pn 20: “Kasete vidéo Des exemples qui nous servent d’avertissement awa e na ndoye.” Sara akozo tënë ni a si penze-ngbonga oko pëpe, na pekoni, sara lisoro na azo so aga na ndo ahundango tënë so ayeke na yâ ti article ni. Tongana kasete vidéo ni ayeke dä pëpe, a lingbi ti sara lisoro na ndo ti tënë: Mä atapande ti gbotongo mê. Na peko ti atënë ti tongo nda ni so aninga penze-ngbonga oko pëpe, sara lisoro na lege ti ahundango tënë na akiringo tënë na yâ Tour ti Ba Ndo ti Français ti 1 mars 1995, lembeti 15-17, na gbe ti kete li ti tënë “Des exemples qui ont valeur d’avertissement”, wala br4 ti Sango, lembeti 5-7 na gbe ti kete li ti tene “Atapande ti Gbotongo Me.” A lingbi ti sara ni tongana ti so a yeke manda ka na Tour ti Ba Ndo. Hunda na mbeni ita so ayeke diko ye nzoni ti diko aparagraphe ni. Luti mingi na ndo ti ambage so andu kongregation ni.

Bia 93 na sambela ti nda ni.

[Akete tënë na gbe ni]