Atokua

◼ Ambeti ti fa na février: Ga ndulu na Jéhovah. Tongana mbeti so ayeke dä pëpe, mo lingbi ti sara kua na buku Révélation: dénouement wala mbeni ngbene buku nde so kongregation ayeke na ni mingi. Mars: Bible afa nyen biani? E sara ngangu kue ti to nda ti étude ti Bible. Avril na mai: Fa Tour ti Ba Ndo na Réveillez-vous! Na ngoi ti sarango avizite na azo so asara nzara ti tënë ni, zia na popo ni ala so aga na Mémorial wala na ambeni bungbi so ayeke nde so a leke ni, me so ade ala mû mbage pëpe na akusala ti bungbi. Bi bê mingi ti zia buku Bible afa nyen biani? na maboko ti azo. Ye so e zia na gbele e ayeke ti to nda ti manda Bible na azo na yâ ti buku so.

◼ Teti so nze ti avril ayeke na anda-yenga oku, a lingbi ti duti mbeni nzoni ngoi ti mû kusala ti pionnier auxiliaire.

◼ Fade kota li ti tënë ti diskur so a zia ni nde na yâ angoi so aga na peko ti Mémorial ti ngu 2006 ayeke “Nzapa angbâ lakue ti fa lege na aye so ayeke si?” Bâ mara ti tokua ni na yâ Kusala ti Royaume ti septembre 2005.

◼ Fade a yeke bâ article “E wara ngia na yâ mandango buku Bible afa nyen biani?” na ngoi ti Bungbi ti Kusala ti yenga ti 3 avril. Bata article so nga na kapa so ayeke manda na ni.

◼ A lingbi surveillant-président wala mbeni zo so lo soro abâ tënë ti acompte ti kongregation na lango 1 ti mars wala hio na peko ti lango so. Tongana a sara ni awe, a yeke sara tënë ni ande na kongregation na ngoi ti dikongo tondo na ndo tënë ti acompte ti peko.

◼ Fade secrétaire na surveillant ti kusala ayeke kiri ti bâ kusala ti apionnier permanent kue. Tongana a yeke ngangu na ambeni ti wara angbonga ti ala, a-ancien alingbi ti leke si ala wara mungo maboko. Ti wara ambeni tënë na ndo ni, i kiri i bâ ambeti (S-201) so filiale ayeke tokua ngu oko oko.