Dango Bê ti Ekole ti Kusala ti Achrétien
Fade a yeke sara lisoro na ndo ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 27 ti février ngu 2006. Fade surveillant ti ekole ayeke mû li ni dä teti penze-ngbonga 30. Lo yeke luti ande na ndo ti ambeti so a bâ ni na yenga ti lango 2 ti janvier ti si na lango 27 ti février 2006. [Kete tënë: Na ndo so a fa ambeti pëpe na peko ti hundango tënë ni, a lingbi mo mveni mo gi nda ti aye ti wara akiringo tënë ni.—Bâ Ekole ti Kusala l. 36-37.]
KODE TI SARANGO TËNË
1. Na alege wa Ekole ti Kusala ti aChrétien amû maboko na e ti ‘mû sacrifice ti merci na Nzapa na ti lengo ti yanga so asepela iri ti Lo’? (aHéb. 13:15) [be l. 5 par. 3–l. 6 par. 1].
2. Ngbanga ti nyen a lingbi e sara ngangu ti diko ye tâ na lege ni? [be l. 83 par. 1-5].
3. Na ndembe so e yeke sara tënë na e yeke fa ye na azo, ngbanga ti nyen a yeke kota ye ti sara tënë polele? [be l. 86 par. 1-6].
4. Ngbanga ti nyen a yeke kota ye ti tene atënë ti e atoto tâ na lege ni? Na aye wa a hunda na e ti bâ? [be l. 89 par. 1–l. 90 par. 3, encadré].
5. Ambeni wango wa amû maboko na e ti sara si atënë ti e asua nzoni? [be l. 94 par. 4-5, encadré].
DEVOIR 1
6. Tongana nyen 2 Chronique 36:17-23 afa so zo alingbi ti zia bê ti lo na ndo prophétie ti Bible? [si l. 85 par. 35].
7. Aye wa so asi na peko ti tere azi lege na aJuif ti tene ala kiri na kodoro ti ala na ngu 537 kozo ti Christ si ala kiri aleke da ti Jéhovah? [si l. 85 par. 1-2–l. 86 par. 3].
8. Tongana nyen mbeti ti Esdras afa biani so Jéhovah ayeke tâ Nzapa na zo alingbi ti zia bê ti lo na Lo? [si l. 87 par. 14–l. 88 par. 18].
9. Ngbanga ti nyen “ngu bale-use ti gbia Artaxerxès” ayeke kota ye na yâ lege so Bible ayeke diko na ngoi? (Néh. 2:1, 5, 6, 11, 17, 18) [si l. 88 par. 2–l. 89 par. 5].
10. Tongana nyen Néhémie ayeke mbeni pendere tapande ndali ti azo ti Nzapa laso? [si l. 90 par. 16-17].
DIKONGO BIBLE TI YENGA OKO OKO
11. Urim na Thummim ayeke lani ye so na lege ni aJuif alingbi ti hunda Jéhovah ti fa na ala ambeni tënë. Me so aJuif akiri lani na kodoro ti ala, Urim na Thummim ni so angbâ? (Esdras 2:61-63).
12. Ngbanga ti nyen si gbâ ti aJuif so ayeke na Babylone aye lani pëpe ti kiri legeoko na Esdras na Jérusalem? (Esdras 7:28–8:20).
13. Tongana nyen mbeni zo alingbi ti sara kusala ti gbagba ni gi na maboko oko? (Néh. 4:17, 18).
14. Teti a yeke kanga ambeti so azo kue alingbi ti bâ pëpe na yâ mbeni bozo, ngbanga ti nyen Sanballat atokua na Néhémie mbeni mbeti so ‘akanga pëpe’? (Néh. 6:5).
15. Nde na ti “zingo” na aJuif so awoko na yâ kusala ti Nzapa ti ala, ambeni ye wa Néhémie asara ti kiri na ala na nzoni lege? (Néh. 13:25, 28).