Dango bê ti Kota Bungbi ti Lango Oko

Fade a sala kusala na article so na ngoi ti Bungbi ti Kusala ngoi kete kozoni si kongregation ague na kota bungbi ti lango oko ti ngu ti kusala 2006, na nga ngoi kete na pekoni. Fade surveillant-président aleke si kozo na kota bungbi ni, a gboto lê na ndo ahundango tënë so e yeke bâ ande na ngoi ti dango bê na peko ti kota bungbi ni, legeoko tongana ti so Kusala ti Royaume ti nze ti août 2004, lembeti 4 afa. Na ngoi ti dango bê ni, a lingbi lisoro ni aluti na ndo lege ti sala kusala nzoni na atënë ni.

KAPA TI NDAPELE

1. Ti bata lê ti mo nzoni aye ti tënë nyen, na ngbanga ti nyen a yeke ngangu ti sala ni laso? (“Ngbanga ti nyen ti bata lê ti mo nzoni?”)

2. Tongana lê ti e ayeke nzoni, aye ti nzoni wa e lingbi ti wara? (“Ti zia lê ti mo angbâ nzoni aga na aye ti nzoni”)

3. Mingi ti akusala so azo abâ atene ayeke na lege ni laso alingbi ti ga na kpale wa? (“Zia lê ti mo angbâ nzoni na yâ mbeni sese ti sioni”)

NA PEKO TI HUNGO TELE

4. Tongana nyen si ababâ na mama wala ambeni zo nde alingbi ti mû maboko na amaseka ti zia na gbele ala aye ti yingo? (“Ababâ na mama so apika kondoro ti ala na lege ni”)

5. Tongana nyen (a) e mveni e lingbi ti gue na li ni legeoko na bungbi ti Jéhovah? (b) Ka sewa ti e? nga na (c) kongregation ti e? (“Zia lê ti mo gi na ndo bungbi ti Jéhovah, gue na li ni legeoko na ni”)