Kapa ti Bungbi ti Kusala

Yenga ti 11 juillet

Bia 49

pn 10: Akete tënë. Atokua ti Kusala ti Royaume so alingbi. Sala adémonstration so na yâ ni a sala kusala na awango ti lembeti 4 ti fa afini Tour ti Ba Ndo na Réveillez-vous! A lingbi ti sala kusala na ambeni démonstration nde so alingbi biani na territoire ni. Na yâ ti adémonstration ni oko oko kue, fa akode nde nde ti hon ndo ti tënë so ayeke kanga lege na lisoro: “Mbi yeke na kua mingi.”​—Bâ brochure Lege ti To Nda Na ti Ngbâ ti Sala Alisoro na ndo Bible, lembeti 11-12.

pn 15: Bezoin ti kongregation.

pn 20: “Sala kue si azo mingi amä tënë ni.”a A si na paragraphe 5, sala tënë na ndo atapande ti fango tënë so ayeke na lembeti 8 ti Kusala ti Royaume ti juin 2005, so a lingbi ti sala kusala na ni na yâ territoire ti kongregation ni.

Bia 88 na sambela ti nda ni.

Yenga ti 18 juillet

Bia 173

pn 10: Akete tënë. Sala ndulu tënë na ndo ti lembeti 32 ti Tour ti Ba Ndo ti 15 août 2000. Gboto lê na ndo ye ti nzoni so ayeke ga na peko ti dutingo na mbeni nzoni mbeti-kapa ti dikongo Bible lâ na lâ, atâa e yeke na ngoi ti vacance nga na mbeni ngoi so e yeke sala kusala so ayeke nde na ti so e yeke sala ka lakue.

pn 15: “Salango a-étude so ayeke gue na li ni: Mbage 11 ni.”b Yôro na yâ ni mbeni démonstration so afa mbeni zo so ayeke mû li ni na étude nga na mbeni fini wafango tënë so ayeke leke tele ti ala ti kiri ti bâ mbeni zo. Ala sala lisoro na ndo ti kozo vizite so ala sala lani, na pekoni ala soro mbeni tënë so alingbi ti tene ala sala lisoro na zo ni na ndo ni. Ala leke mbeni tënë so akpengba pëpe ti to nda ti lisoro na ni, nga na mbeni tënë so ala lingbi ti hunda ni na hunzingo ti vizite ni. Démonstration ni ahunzi na ngoi so ala ye ti kiri ti tara peko ti ye so ala leke ni fade awe.

pn 20: Mû maboko na azo ti bâ Bible na nene ni. Lisoro na lege ti hundango tënë na kiringo tënë. A luti na ndo ti buku Voro Nzapa, lembeti 23-25, paragraphe 3-6. Sala kusala na ahundango tënë so ayeke na yâ ti buku ni. Yôro na yâ ni atënë so ayeke na ndo lembeti 32 ti brochure Un livre pour tous.

Bia 10 na sambela ti nda ni.

Yenga ti 25 juillet

Bia 138

pn 15: Akete tënë. Diko tënë ti acompte nga na mbeti so filiale asû teti a-offrande so a tokua na lo. Sala adémonstration so na yâ ni a sala kusala na awango ti lembeti 4 ti fa afini Tour ti Ba Ndo na Réveillez-vous! A lingbi ti sala kusala na ambeni démonstration nde so alingbi biani na territoire ni. Na yâ mbeni oko ti adémonstration ni, a yeke fa ziango apériodique na maboko ti azo na alege kue so azi na ngoi ti salango gala wala na ambeni ndo so a lingbi ti wara azo dä.

pn 10: Fa tâ tënë biani na molenge ti mo (Deut. 6:7). Diskur so mbeni ancien si asala ni. A luti na ndo Tour ti Ba Ndo ti 15 août 2002, lembeti 30-31. Gboto lê na ndo akpengba-ndia ti Bible so amû lege na ababâ na mama, so koli wala wali ti ala ayeke Témoin pëpe, ti fa lege na molenge ti ala.

pn 20: “Kuda so a lingbi e kiri ni na azo.”c Yôro na yâ ni atënë ti Tour ti Ba Ndo ti 1 juillet 2000, lembeti 21, paragraphe 13.

Bia 82 na sambela ti nda ni.

Yenga ti 1 août

Bia 187

pn 15: Akete tënë. Dabe ti awafango tënë ti bi rapport ti ala ti juillet. Tisa azo so aga ti zi buku ti ala Ekole ti Kusala ti aChrétien na lembeti 70 na bâ paragraphe 1-2 nga na encadré “Comment répondre lors des réunions?” Sala lisoro na ndo ni na lege ti ahundango tënë na akiringo tënë.

pn 15: “Mû maboko na amolenge ti mo ti fa tënë nzoni.” Diskur na salango lisoro na azo so aga. Yôro na yâ ni mbeni démonstration so afa mbeni babâ wala mama ti sewa na molenge ti lo so ayeke sala kusala na mbeni tapande ti fango tënë so akpengba pëpe. Hunda na babâ wala mama ni ti hunzi démonstration ni na fango na ndulu tënë tongana nyen a yeke mû contribution teti kusala ti fango tënë.

pn 15: Mo yeke ndulu ti gbian yâ ti fango tënë ti mo ti tene a lingbi na azo nde nde kue? Diskur na salango lisoro na azo so aga. A luti na ndo Kusala ti Royaume ti janvier 2005, lembeti 6. Kiri mo sala tënë na ndo ti awango so a fa na yâ ti Kusala ti Royaume ni. Fa lege so mbeni zo alingbi ti gbian yâ ti kode ti fango tënë ti lo ti lingbi na azo na ngoi so e yeke sala ande kusala na ambeti so a yeke fa na août. Hunda na ambeni zo ti sala mbeni démonstration oko wala use na ndo akode ni so.

Bia 218 na sambela ti nda ni.

[Akete tënë na gbe ni]