Kapa ti Bungbi ti Kusala

Yenga ti 13 juin

Bia 198

pn 10: Akete tënë. Atokua ti Kusala ti Royaume so alingbi. Kota kapa ti kangbingo brochure I lango pëpe! ahunzi na lango 12 ti juin. Ti tanga ti lango ti nze ni, e yeke fa na azo Lingu ti Tâ Ngia ti Sewa. Na ndulu tënë, i kiri i bâ akode ti fango mbeti ni na yâ Kusala ti Royaume ti août 1999, lembeti 4.

pn 15: “Fango tënë amû maboko na e ti gbu ngangu.”a Tongana ngoi angbâ, tisa kongregation ti sala tënë na ndo aversê so a fa tënë ti yâ ni pëpe.

pn 20: Maï nzara ni na yâ ti zo na lege ti fini brochure. Diskur na lisoro na kongregation so surveillant ti kusala si asala ni. A lingbi e sala afini vizite ti maï nzara ni na yâ ti zo kue so amû brochure I lango pëpe! Na lembeti 2 so li ti atënë ni ayeke dä, fa akota kamba ti atënë ti yâ ti brochure ni, na gboto lê na ndo andulu tënë so a sû na gbe ti ali ti tënë ni so ayeke vuko. A lingbi ti sala kusala na mbeti so ti sala andulu lisoro na ndo aye so i na mbeni zo i sala tënë na ndo ni kozo. Na tapande, tongana i sala lisoro na ndo lembeti 3-4 na kozo tingbingo tele ti i na zo ni, na ngoi ti fini vizite ni, i lingbi ti sala mbage so atene “Nzapa abi bê ti lo biani na ndo e?” ti lembeti 5. I sala lisoro na ndo kode ti salango vizite ni. I bâ ambeni li ti tënë so a sû ni na vuko ni, tongana ala so ayeke na lembeti 6-8 nga na 17-18 wala ambeni so alingbi na territoire ti i. Sala démonstration ti mbeni fini vizite na ndo oko ti ambeni li ti tënë ni. A lingbi i diko versê oko wala ambeni na ndo ni so a fa tënë ti yâ ni pëpe na i sala tënë dä. Wafango tënë ni ahunzi na fango mbeni li ti tënë nde so ala lingbi ti sala lisoro na ndo ni na vizite ti peko.

Bia 149 na sambela ti nda ni.

Yenga ti 20 juin

Bia 206

pn 10: Akete tënë. I kiri i bâ angbongboro tënë ti Kusala ti Royaume ti juillet 2003, lembeti 4. Fa tongana nyen wafango tënë alingbi ti wara mbeti na yanga ti mbeni kodoro wande. Sala tënë na ndo lege so ye so a fa alingbi na territoire ti i. Ti hunda mbeti na yanga ti mbeni kodoro wande, a lingbi a sala ni na maboko ti ita so abâ lege ti ambeti, même tongana a yeke gi mbeti oko si zo ahunda, tongaso lo lingbi ti wara ni sân ti tene lo ku a ninga.

pn 15: Mû maboko na azo ti ga awafango tënë so ade ti wara batême pëpe. Diskur na lisoro na kongregation so mbeni ancien si asala ni na lege ti buku Bungbi so a leke ni ti sala ye so Jéhovah aye, lembeti 79-81. I sala lisoro na ndo ye so a leke ti gi ti hinga wala mbeni wamandango Bible asala ye so Bible ahunda kozo ti mû mbage na fango tënë na kongregation. Na yenga ti peko, e yeke bâ ande tongana nyen ti fa na awamandango Bible so alingbi ti sala kua ti wafango tënë so ade ti wara batême pëpe ti komanse ti fa tënë da na da.

pn 20: To nda ti sala étude na ala so amû fini brochure. Diskur na lisoro na kongregation so surveillant ti kusala si asala ni. Sala ndulu tënë na ndo démonstration ti fini vizite so a sala ni na bungbi ti kusala so ahon, na fa mbilimbili li ti tënë so ala fa ni na hunzingo ti vizite ni. Hunda gi na a-oko wafango tënë ni (tongana lege ayeke dä) ti mû mbeti ni ti sala na mbeni fini vizite ni nde. Na pekoni, wafango tënë ni amû lembeti 32 ti brochure ni ti hunda na zo ni ti manda Bible, na ala mä tele ti sala ye ti manda 1 ti brochure Ahunda na vizite ti peko. Wa azo kue ti gi kozoni ti to nda ti sala a-étude na ala so ayeda ti mû brochure I lango pëpe!

Bia 208 na sambela ti nda ni.

Yenga ti 27 juin

Bia 113

pn 10: Akete tënë. Dabe ti awafango tënë ti zia rapport ti ala ti juin. Diko tënë ti acompte nga na lettre ti filiale teti a-offrande so a tokua na lo. Sala kusala na akode ti lembeti 8 na yâ démonstration ti fa tongana nyen ti fa afini Tour ti Ba Ndo na Réveillez-vous! I lingbi ti sala kusala na mbeni kode nde so alingbi na territoire ti i. Na peko ti démonstration ni, kiri mo tene peko ti tënë so a tene na tongo nda ni so amû lege ti zingo nzara ni na bê ti zo ni.

pn 15: “Fango tënë nzoni na ando so azo ayeke dä mingi.”b Fa lege so atënë ni andu territoire ti i. Dabe ti awafango tënë ti sala kua na kete mbeti Veillez-suivre l’intérêt (S-43) tongana lege ayeke dä.​—Bâ Kusala ti Royaume ti février 2005, l. 8.

pn 20: “Salango a-étude so ayeke gue na li ni: Mbage bale-oko ni.”c Yôro na yâ ni mbeni démonstration so afa mbeni tarango tele. Wamandango ye ni akiri atara peko ti kode ti fango ye ni. Wasalango étude ni asala tele ti lo tongana mbeni zo ti territoire; lo tene mbeni tënë ti kangango lege na lisoro so azo ti territoire ni ayeke tene ka. Na tongana wamandango ye ni ahinga mbilimbili pëpe kiringo tënë ni, wafango ye ni afa tongana nyen lo lingbi fade ti kiri tënë. Na ndo ni, hunda zo oko wala azo use kozoni ti sala tënë na ndo fango ye so ala wara na ngoi so ala komanse lani ti fa tënë da na da.

Bia 196 na sambela ti nda ni.

Yenga ti 4 juillet

Bia 70

pn 10: Akete tënë. Sewa ti mo ayeke na mbeni mbeti-kapa? I kiri i bâ awango ti yâ ti supplément ti Kusala ti Royaume ti mai 2005, na tisa azo so aga ti sala tënë na ndo angangu so ala sala ti sala ye alingbi na awango ni na aye ti nzoni so ala wara na salango tongaso.

pn 20: Fango abrochure na juillet nga na août. Diskur na lisoro na kongregation na ndo supplément ni. Na ndulu tënë, fa tongana nyen ti sala kua na supplément ni, na gboto lê na ndo encadré ti lembeti 3 legeoko na angbongboro tënë so ayeke na yâ ti Kusala ti Royaume ti janvier 2005, lembeti 8. I sala lisoro na ndo akode so alingbi na territoire ti i teti fango abrochure na kozo tingbingo tele na mbeni zo. Sala démonstration use wala ota ti akode ti afango ye so. Sala si mbeni wafango tënë so ade maseka asala mbeni démonstration ni oko.

pn 15: Aye so asi na fango tënë. Tisa kongregation ti fa aye so asi na ala na salango avizite na azo so ayeda ti mû brochure I lango pëpe! Mä tele na ambeni ti haka peko ti apendere ye so asi na ala. Gonda ala kue ndali ti mungo mbage ti ala na kota kapa ti kangbingo mbeti so.

Bia 120 na sambela ti nda ni.

[Akete tënë na gbe ni]