Atokua

◼ Ambeti ti fa na décembre: Koli so ahon tanga ti azo kue. Na tele ni, i lingbi ti fa Mbeti ti atene ti Bible, Bible: A Yeke Tene ti Nzapa Wala ti Azo? wala Mo lingbi ti douti la koue la koue na paradis na ndo sesse. Janvier: Ambeti kue so a sala ni kozo na ngu 1990 so kongregation ayeke na ni. Tongana i yeke na ambeti so pëpe, i bâ na ambeni kongregation so ayeke ndulu na i wala ala yeke na angbele mbeti so mingi, si i lingbi ti hunda ambeni ti sala na kua. Akongregation so ayeke na angbele mbeti pëpe alingbi ti fa buku L’humanité à la recherche de Dieu. Février: Ga ndulu na Jéhovah. Tongana mbeti so ayeke dä pëpe, i lingbi ti sala kua na buku Création (kota ni wala kete ni) wala buku La Révélation: le grand dénouement est proche! Mars: Mä Kota Wafango ye. Tongana azo ni atene so ala yeke na amolenge pëpe, i fa na ala brochure Ahunda. Na salango kusala na brochure ni, i gi lege ti to nda ti amandango Bible.

◼ Molongo ti a-article so li ni atene “Mieux comprendre son médecin”, so ayeke na yâ Réveillez-vous! ti 22 janvier 2005, a sala ni ti mû maboko na azo ti mä tele nzoni na adocteur ti ala. A-article so ayeke gboto ande lê ti adocteur, teti a fa na yâ ni ngbanga ti nyen tokua ti beku so Bible amû apika bê ti ambeni na popo ti ala. Peut-être mo lingbi ti hunda ti wara apériodique ni mingi, ti mû mbeni oko na docteur ti mo nga na awakode-kua ti seni. Fade akongregation ahunda hio na filiale ambeni commande ti périodique ni.

◼ Fade na yâ ngoi kete a yeke tokua ambeti ti tisango zo na Matanga ti Dango Bê ti ngu 2005 na kongregation oko oko, na yanga ti kodoro so ala yeke sala na bungbi. Tongana a yeke tene ambeni yanga ti kodoro nde na yâ territoire ti i, na i ye ti wara ambeti ti tisango zo na ayanga ti kodoro so, a lingbi a hunda ni hio na ndo Demande de publications (S-14).

◼ Na ngu 2006, a yeke sala Matanga ti Dango Bê na mercredi 12 avril, na peko ti lindango ti lâ. A fa lango so kozoni ti tene a mû lege ti bata ndo wala ti futa da na ndo so akongregation mingi abungbi na yâ Da ti Royaume oko, ye so ahunda na ala ti gi ti wara ambeni ndo nde teti matanga so. A lingbi a-ancien amä tele na mveni ti ndo ni ti tene mbeni kusala nde na yâ ti da ni abuba pëpe tambela ti Matanga ti Dango Bê ni, so a lingbi a duti na yâ siriri nga na lege ni.

◼ Teti matanga ni ayeke kota ye mingi, a lingbi bungbi ti a-ancien asoro tongana zo ti mungo diskur ti Mémorial ni mbeni oko na popo ti a-ancien so alingbi biani, pëpe gi ti fa zo oko oko na peko ti tele wala ti sala kusala gi na ita-koli oko ngu na ngu. Ye oko, tongana mbeni zo so a sa yingo na ndo ti lo ayeke dä, so ayeke mbeni ancien so akpengba, lo lingbi ti mû diskur ni.