Dango bê ti Ekole ti Kusala ti aChrétien

Fade a yeke sala lisoro na ndo ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 27 ti décembre 2004. Fade surveillant ti ekole ayeke mû li ni dä teti penze-ngbonga 30. A yeke luti na ndo ambeti so a bâ ni na yenga ti lango 1 ti novembre ti si na ti lango 27 ti décembre 2004. [Kete tënë: Na ndo so a fa ambeti pëpe na peko ti hundango tënë ni, a lingbi mo mveni mo gi nda ti aye ti wara akiringo tënë ni.​—Bâ Ekole ti Kusala, l. 36-37.]

KODE TI SALANGO TËNË

1. Mbeni oko ti anzoni lege ti zingo nzara ti azo so ayeke mä e na ndo mbeni tënë ayeke so wa? [3, be l. 218 par. 3].

2. Fa molongo ti aye oku so andu kongo nda ti mbeni tënë nzoni [5, be l. 220 par. 4–l. 221 par. 4].

3. Tongana nyen e lingbi ti bâ biani so atënë ti e ayeke tâ tënë? [8, be l. 224 encadré].

4. Tongana nyen e lingbi ti sala kue si ye so e yeke fa na bungbi afa na gigi so e bi bê mingi na kusala so kongregation ayeke na ni tongana “pilier na gere ti tene-biani”? (1 Tim. 3:15) [8, be l. 224 par. 1-4].

5. Tongana nyen e lingbi ti sala ye alingbi na aProverbe 14:15 na ngoi so e yeke sala tënë na ndo aye so ayeke si, na ndo tënë ti ambeni zo wala so a mû ni na yâ ti mbeni mbeti nga na ndo aye so asi na ambeni zo? [9, be l. 225 par. 1].

DEVOIR 1

6. Tongana nyen a lingbi ti diko wungo ti angu so alondo na ngoi ti Moa ti kiri juska na ngoi so a leke na Adam? [1, si l. 286 par. 12].

7. Tongana nyen a lingbi ti hinga ngu so Jésus ato nda ti kusala ti lo na yâ ni? Na ye wa amû lege ti yeda so kusala ni aninga gi ngu ota na ndambo? [2, si l. 291 par. 16].

8. (a) Lawa si a mû yanga “ti kiri [ti] leke na ti sala Jérusalem”? (b) Ti to nda ni na ngoi ni so, a lingbi ngu oke ahon kozoni si Jésus asi tongana Messie? (Dan. 9:24-27) [3, si l. 291 par. 18-19].

9. Ti hunda pardon na bê kue andu aye wa so amû lege ti ‘leke songo na ita ti e’? (Mat. 5:23, 24) [7, w02 1/11 l. 6 par. 1, 5].

10. Ye wa 2 aGbia 13:18, 19 afa na e na ndo salango akua so Nzapa ahunda na e ti sala? [8, w02 1/12 l. 31 par. 1-2].

DIKONGO BIBLE YENGA OKO OKO

11. Ngbanga ti nyen azo ti Israël alingbi ti mû wala ti kä na mbeni wande nyama so a fâ go ni pëpe, atâa so ala mveni alingbi ti te ni pëpe? (Deut. 14:21).

12. Ye ti manda wa ayeke teti e na Deutéronome 20:5-7?

13. Ngbanga ti nyen ti gbu “tênë ti moulin ti gbe ni wala tênë ti moulin ti nduzu” na maboko ti mbeni zo na place ti bon ayeke lani tongana gbungo âme wala “fini ti zo” ni? (Deut. 24:6).

14. Teti so a ke na azo ti Israël ti te mafuta ti anyama, tënë ti ‘tengo mafuta ti angasangbaga’ ti ala aye ti tene nyen? (Deut. 32:13, 14).

15. Ye wa so asi na ngoi ti e ague oko na salango siokpari ti Acan? (Jos. 7:1-26) [7, wF86 15/12 l. 20 par. 20].