Kapa ti Bungbi ti Kusala

Yenga ti 9 août

Bia 57

pn 10: Akete tënë na atokua ti Kusala ti Royaume so alingbi. Tongana awango so ayeke na lembeti 8 alingbi na territoire ti i, sala kusala na ni ti fa kode ti fango afini Tour ti Ba Ndo na Réveillez-vous! A lingbi ti sala kusala na ambeni kode nde. Yôro na yâ ni tënë ti a-offrande. Dabe ti kongregation ti ga na brochure Ahunda na yenga ti peko.

pn 15: “Futa ti gbungo ngangu ayeke dä.”a Yôro na yâ ni ndulu tënë ti Tour ti Ba Ndo ti 1 janvier 2001, lembeti 15-16, par. 15-18.

pn 20: Salango kusala na atract ti to nda ti amandango Bible. Diskur nga na lisoro na kongregation na ndo Kusala ti Royaume ti janvier 2002, lembeti 8. Fa so e ye ti sala ye alingbi na dutingo ti awamandango ye ni oko oko, tongana ti so a fa na paragraphe 5. Yôro na yâ ni ndulu démonstration oko wala use so aluti na ndo paragraphe 8-10. Tongana mbeni kode nde asala kua nzoni na ndo so i yeke dä, fa ni na sala démonstration na ndo ni. Tisa kongregation ti fa aye so asi na ala na ngoi so ala sala kusala na tract Mo Ye ti Hinga Ye Mingi Ahon na ndo Bible?

Bia 74 na sambela ti nda ni.

Yenga ti 16 août

Bia 189

pn 10: Akete tënë. Asango ti fango tënë.

pn 15: I yôro tâ tënë na yâ bê ti amolenge ti i. Diskur na ndo buku Sewa, lembeti 55-59. Sala tënë ti aye osio so ababâ na mama alingbi ti sala ti mû maboko na amolenge ti ala ti maï ala mveni mbeni songo na Jéhovah, na salango kusala nzoni na atënë ti buku ni.

pn 20: “Salango a-étude so ayeke gue na li ni​—Use mbage ni.”b Yôro na yâ ni démonstration oko ti penze-ngbonga oku. Mbeni wafango tënë ahunda na mbeni ancien tongana nyen ti mû maboko na mbeni wamandango Bible ti gue na li ni. Ancien ni afa so mbeni kpale so asi mingi ayeke mungo ngoi mingi ti sala tënë ti anzene nzene ye so andu akota tënë ni pëpe na ngoi ti étude ni. Na salango kusala na ye ti manda 9 ti brochure Ahunda, lo fa na wafango tënë ni tongana nyen (1) ti bâ gi ngbongboro tënë ni, (2) ti sala kusala nzoni na aversê so a fa tënë ti yâ ni pëpe na (3) ti sala si mandango ye ni alingbi na zo ni. Lo fa so a lingbi nzoni lekengo tele aduti dä lakue tongana a sala étude ni.

Bia 85 na sambela ti nda ni.

Yenga ti 23 août

Bia 33

pn 15: Akete tënë. Tënë ti acompte. Sala adémonstration ti fa kode ti fango afini Tour ti Ba Ndo na Réveillez-vous! Na yâ oko ti adémonstration ni, fa tongana nyen ti fa tënë na mbeni wafango mbeti.

pn 10: “Fini lekengo ye teti dango bê na akapa ti akota bungbi.” Diskur na lisoro na kongregation na ndo article so ayeke na lembeti 4. Fa alango ti akota bungbi ti circonscription na ti lango oko so ayeke ga tongana a fa ni awe. Ala so aye ti wara batême a lingbi ala sala tënë ni kozoni na surveillant président.

pn 20: Fango buku Créateur na nze ti septembre. Diskur na démonstration. Fa ambeni tënë so azo atënë na ndo mbeti ni (wF99 15/6 l. 25-26). Fa angbongboro tënë ti yâ ti mbeti ni, na sigigi na ambilimbili tënë so alingbi ti nzere na azo ti territoire ti i (km 3/00 l. 2; km 8/99 l. 1 na km 3/00 l. 2 ti R.C.A. na Tchad). Fa mbeni kode ti fango ye so akpengba pëpe, so ayeke ti mû mbeni kozo tënë na yâ ti buku Comment raisonner, wala na yâ ti Kusala ti Royaume, mbeni versê, na mbeni tënë wala mbeni chapitre na yâ buku Créateur. A lingbi mbeni wafango tënë so ayeke na kode si asala démonstration ni.

Bia 220 na sambela ti nda ni.

Yenga ti 30 août

Bia 90

pn 10: Akete tënë. Dabe ti awafango tënë ti bi rapport ti ala ti août.

pn 15: “Ekole ti Formation Ministérielle: Mbeni kota lege so azi teti kusala.” Diskur na lisoro na kongregation. Yôro na yâ ni atënë ti Annuaire 2004, lembeti 239-240. Fa tënë ti bungbi so ayeke sala na kota bungbi ti circonscription teti ala so ayeke na nzara ti gue na Ekole ti Formation Ministérielle. Wa ala so alingbi ti sala ni ti gue na bungbi so.

pn 20: Mo wara ye ti nzoni? Lisoro na kongregation. I kiri i bâ awango so asigigi ândö na yâ Kusala ti Royaume na ngu ti kusala so ahon: Sû akozo tënë ti mo na lê ti mbeni ndulu mbeti (km 10/03). Gonda zo ni, fa na lo nda ni, na zia si tënë ni alondo na bê ti mo (km 11/03 l. 1). Fa tënë na ngoi so azo mingi ayeke na yanga-da (km 12/03 l. 1). Leke mbilimbili angoi ti dikongo na Bible, ti lekengo na abungbi nga ti fango na tënë (km 1/04 l. 4). Sala kusala na brochure ‘Voyez le bon pays’ na ngoi ti mandango ye mo mveni na dikongo Bible (km 3/04 l. 2). Zia na gbele mo ti diko Bible kue (km 4/04 l. 1). Fa tënë na ando ti dengo buze (km 7/04 l. 4). Sala kusala na atract ti to nda ti a-étude ti Bible (km 8/04 l. 2). Tisa kongregation ti fa aye ti nzoni so ala wara na salango ye alingbi na awango so.

Bia 145 na sambela ti nda ni.

Yenga ti 6 septembre

Bia 197

pn 5: Akete tënë.

pn 15: Bezoin ti kongregation.

pn 25: “E sala ye tongana apionnier.”c Hunda tënë ndulu na pionnier oko wala use. Ala fa tongana nyen tapande ti ababâ na mama ti ala, ti a-ancien wala ti ambeni zo apusu ala ti mû kusala so.

Bia 142 na sambela ti nda ni.

[Akete tënë na gbe ni]