Kapa ti bungbi ti kusala

Yenga ti lango 12 mai

Bia 1

pn 10: Akete tënë. Fa atokua ti yâ ti Kusala ti Royaume so alingbi na kongregation. Na salango kusala na awango ti lembeti 8 wala na mbeni ngbele Kusala ti Royaume so alingbi, sala adémonstration use ti fa kode ti fango afini Tour ti Ba Ndo na Réveillez-vous! Na yâ démonstration oko oko, a yeke nzoni a bungbi apériodique use kue ti fa ni, atâa so a yeke sala tënë gi na ndo périodique oko. Sala tënë ti mungo offrande na bê kue na zo ni.

pn 20: Ababâ na mama: I mû maboko na amolenge ti i ti gue na li ni. Mbeni diskur na ndo angbongboro tënë ti buku Ekole ti Kusala, alembeti 9-12 nga 21-38. Wa ababâ na mama ti sala kusala na mbeni ti atënë so na yâ mandango ye na sewa, na bibe ti fa lege na amolenge ti ala ti gue na li ni na yâ fango tënë. Gboto lê na ndo ambeni mbilimbili tënë so a lingbi ti mû maboko na amaseka ti maï akode so a hunda.

pn 15: “A mû na e kungba ti fa nzo tënë.”a Mä tele kozoni na ita oko wala use ti fa hio tongana nyen ala wara lege lani ti gbian ambeni ye na yâ fini ti ala ti fa tënë mingi ahon ti kozo.

Bia 46 na sambela ti nda ni.

Yenga ti lango 19 mai

Bia 62

pn 15: Akete tënë. Tënë ti compte. Sala lisoro na ndo “Lekengo aDa ti Royaume na ando nde nde na yâ ambeni kodoro ti Poto.” Fa so a yeke a-offrande so a mû teti aDa ti Royaume si amû lege ti leke aDa ti Royaume na yâ akodoro so ayeke na mosoro mingi pëpe tongana ti e.

pn 15: Bezoin ti kongregation.

pn 15: “Sepela Jéhovah na fango tënë na alege kue so azi.” Diskur nga lisoro na kongregation. Tongana mo si na paragraphe 3, hunda azo ni ti fa tënë wa a lingbi e tene ti to nda ti lisoro na ndo Bible na yâ aye so ge: (1) na ngoi ti vongo ye na gala, (2) na yâ ti bus wala taxi, (3) na zo so ayeke sala kua na yâ ti gbagba ti lo ndulu na e, (4) na kamarade ti kua, nga (5) na kamarade ti ekole. Mä tele kozo na mbeni wafango tënë ti fa tongana nyen lo wara lege ti fa tënë na alege kue so azi.

Bia 135 na sambela ti nda ni.

Yenga ti lango 26 mai

Bia 174

pn 10: Akete tënë. Dabe ti awafango tënë ti bi rapport ti ala ti mai. Na salango kusala na awango ti lembeti 8 wala na mbeni ngbele Kusala ti Royaume so alingbi, sala adémonstration use ti fa kode ti fango afini Tour ti Ba Ndo na Réveillez-vous! Na yâ démonstration oko oko, a yeke nzoni a bungbi apériodique use kue ti fa ni, atâa so a yeke sala tënë gi na ndo périodique oko. Na hunzingo ti mbeni oko ti adémonstration ni, zia tract Mo Ye ti Hinga Ye Mingi Ahon na ndo Bible? na tîtï zo so ayeda pëpe na apériodique ni.

pn 10: Atënë so i hunda. Diskur. Kiri mo bâ hio ambeni wango so a mû teti fango tënë na téléphone so ayeke na yâ Kusala ti Royaume ti février 2001, lembeti 6, aparagraphe 12-15, wala ambeni wango nde so alë lengo na yâ territoire ti i.

pn 25: “Tënë ti Nzapa ayeke tâ tënë”b Sala kusala na ahundango tënë so ayeke dä. Hunda na azo ni ti fa tongana nyen a mû maboko na ala ti manda tâ tënë na ngoi so awafango tënë ni amû Bible ti kiri tënë na ahundango tënë ti ala. Tongana mo si na paragraphe 4, hunda na mbeni wafango tënë so alingbi ti fa tongana nyen ti sala kusala na Bible na kozo tingbingo tele na zo ni. Sala kusala na ambeni ti awango so ayeke na yâ article “E fa nda ti Tënë ti Nzapa na lege ni.”​—km 12/01 l. 1 par. 3-4

Bia 188 na sambela ti nda ni.

Yenga ti lango 2 juin

Bia 210

pn 10: Akete tënë. Kiri mo bâ oko wala use ti awango so ayeke na yâ supplément ti Kusala ti Royaume ti janvier 2002 na ndo kangbingo brochure Ahunda nga buku Hingango Ye.

pn 20: Mariage so alingbi na gonda, mbeni ye so Nzapa ahunda. Diskur nga lisoro na kongregation. Na yâ gbâ ti akodoro, mingi ti azo ayeke duti koli na wali sân ti sala mariage so ndia ayeda na ni. Ambeni zo atene so salango tongaso aga na ambeni ye ti nzoni. Gboto lê na ndo bango ndo ti Bible, so atene Nzapa la ayeke na gunda ti mariage (rs al. 224-225). Dutingo koli na wali sân mariage ayeke salango pitan (fy l. 17). Nde na ye so azo mingi amä na bê na ni, gingo nda ti aye afa so dutingo koli na wali kozo na mariage asala si a yeke ngangu ti tene mariage ni aga ande nzoni (g02 8/3 l. 29; g92 8/9 l. 28; g91 8/5 l. 28). A-Chrétien ayeke mû gonda na Jéhovah na batango andia ti lo. Na salango tongaso, ala mveni ayeke wara nzoni dä.​—Es. 48:17, 18.

pn 15: Mo yeke wara nzoni dä tongana nyen? Lisoro na kongregation so surveillant ti ekole asala. A to nda ni na janvier, e lï lani na yâ fini kode ti salango Ekole ti Kusala ti aChrétien. Kiri mo bâ hio afini mbage ti ekole ni. Gboto lê na ndo anzoni ye so aga na pekoni awe. Ambeni fini zo alï na yâ ekole ni? Azo ayeke na kota nzara ti mû mbage dä? A-élève ni awara ye ti nzoni wa na lege ti fini kode ti mungo wango? Hunda na azo ti fa tongana nyen ala mveni awara awe nzoni dä, nga tongana nyen ala bâ so fini programme so ayeke mû maboko na ala ande.

Bia 225 na sambela ti nda ni.

[Akete tënë na gbe ni]