Kapa ti Bungbi ti Kusala

KETE TËNË: Fade Kusala ti Royaume ni ayeke duti ande na programme ti Bungbi ti Kusala teti yenga oko oko na yâ anze so i yeke sala akota bungbi ti district. Akongregation alingbi ti changé aye, ti mû lege na azo ti gue na Assemblée ti District “Awakua ti Royaume so ayeke na wâ.” Tongana lege ayeke dä, mû apenze-ngbonga 15 na ndangba Bungbi ti Kusala ti kiri ti bâ akota wango so a mû na yâ supplément ti Kusala ti Royaume ti nze so, so peut-être alingbi na kongregation. Na angoi so ayeke ga, a yeke leke ande mbeni Bungbi ti Kusala ti dabe na angbongboro tënë ti assemblée ni. Ti leke tele teti lisoro so, a lingbi e kue e mû note nzoni na ngoi ti kota bungbi ni, nga molongo ti ambeni mbilimbili tënë so e ye ti sala na kusala na yâ fini ti e mveni nga na yâ kusala ti fango tënë. Na pekoni e lingbi ti fa tongana nyen e sala ye alingbi na awango so ngbele ye na ngoi so e gue na kota bungbi ni. E lingbi ti kpengba mba na popo ti e na lege ti mango aye ti nzoni so e wara na yâ apendere ye so e mä.

Yenga ti 13 mai

Bia 37

pn 15: Akete tënë. Atokua ti Kusala ti Royaume so andu kongregation. Sala kusala na awango so a yeke wara ni na yâ fini wala ngbele Kusala ti Royaume na ndo li ti tënë “Ye ti tene na ndo apériodique.” Sala adémonstration use ti fa kode ti fango afini Tour ti Ba Ndo na Réveillez-vous! Na yâ ti démonstration oko oko, fa alege nde nde ti hon ndo ti atënë so akanga lege na lisoro tongana: “Mbi yeke na kua mingi.”​—Bâ buku Comment raisonner, alembeti 19-20.

pn 15: “Mbeni ngoi nde ti wa tele na popo ti e.” Mbeni diskur. Zingo nzala ti azo ti gue na assemblée ti district. Wa azo kue so aga ti gue na abungbi ni oko oko kue, akomanse na vendredi na ndapelele ti si na dimanche na peko ti midi.a

pn 15: ‘“I gi lege lakue ti sala nzoni.”’b Gboto lê na ndo nene ni ti yeda na aye so ndokua so abâ tënë ti ada ti lango so aleke teti nzoni ti e. Luti mingi na ndo adango bê miombe ti paragraphe 2. Fa ngbanga ti nyen nzoni tambela ti zo oko oko kue ayeke kota ye mingi.c

Bia 115 na sambela ti nda ni.

Yenga ti 20 mai

Bia 13

pn 15: Akete tënë. Tënë ti acompte. Bâ Akiringo tënë na ahundango tënë ti i.

pn 12: “Kaï nzala ti aye so amanke mo na lege ti yingo.” Diskur nga lisoro na azo so aga. Fa ngbanga ti nyen a lingbi aita kue adengi mê nzoni na programme ti kota bungbi. Gboto lê mingi na ndo nene ni ti sala ye so e manda ahon gi ti mä ni senge. Ndu nga kete tënë so ayeke na nduzu ge, so andu ye so a yeke leke teti Bungbi ti Kusala ti peko tongana a kiri ande ti dabe na kota bungbi ti district. Wa zo oko oko kue ti mû note. Hunda ambeni ita, me mingi pëpe, ti sala tënë na ndo ti aye ti nzoni so ala wara na lege ti programme ti assemblée ti ngu so ahon.d

pn 18: “Yungo bongo na lekengo tele na lege ni.”e Mbeni ancien asala ni. Fade lo yeke diko aparagraphe oko oko na peko ti so a sala lisoro na ndo ni. Lo yeke mû maboko na aita kue ti bâ ngbanga ti nyen a yeke kota ye mingi ti sala hange na salango ye ti e mveni na gbele azo.

Bia 169 na sambela ti nda ni.

Yenga ti 27 mai

Bia 208

pn 12: Akete tënë. Dabe ti aita kue ti mû rapport ti ala ti nze ti mai. Sala kusala na awango so a yeke wara ni na yâ fini wala ngbele Kusala ti Royaume na ndo li ti tënë “Ye ti tene na ndo apériodique.” Hunda mbeni wafango tënë so ayeke biazo ti fa kode ti fango afini Tour ti Ba Ndo, nga, hunda mbeni wafango tënë so ade pendere ti fa kode ti fango afini Réveillez-vous! Na peko ti démonstration oko oko, sala ndulu tënë ti fa tongana nyen a yeke ngangu oko pëpe ti yôro mbeni versê na yâ afango ye so.

pn 15: “Kongregation ti mo ayeke na kota territoire?” Diskur nga lisoro so surveillant ti kusala asala na azo so aga (Akongregation so territoire ti ala akono pëpe alingbi ti kiri ti bâ article na ndo “E sala ti tene ngoi ti e ahon senge pëpe” ti Kusala ti Royaume ti nze ti décembre 1999). Fa wungo ti aterritoire so kongregation ayeke na ni, na oke si a sala kusala dä kue na ngu so ahon. Fa tongana nyen kongregation alingbi ti sala kusala na awango so amû. Kiri mo sala tënë ti aye so ayeke leke ti tene ande a sala kusala na yâ aterritoire so afa tënë dä mingi pëpe.

pn 18: “Mo yeke sala kua na brochure Ahunda ti komanse amandango Bible?” (A lingbi azo kue aga na supplément ti Kusala ti Royaume ti nze ti janvier 2002 teti lisoro so). Ti komanse, hunda na mbeni ita ti sala mbeni démonstration so aleke ni nzoni, ti fa lege ti komanse mbeni mandango Bible na salango kusala na tapande so ayeke na paragraphe 3. Na pekoni, gboto lê na ndo angbongboro tënë ti brochure, na fa tongana nyen a leke ni nzoni mingi ti komanse na amandango Bible. Fa nene ni ti kiri ti bâ awango so amû na e na yâ supplément ti janvier 2002. Hunda na aita awango wa ala wara ye ti nzoni dä. Ti hunzi, kiri mo sala démonstration so a fa na nduzu ge.

Bia 93 na sambela ti nda ni.

Yenga ti 3 juin

Bia 178

pn 15: Akete tënë. Hunda ambeni ita so amû kusala ti pionnier auxiliaire wala permanent na nze ti mars, avril, wala mai, ti fa adeba nzoni so ala wara.

pn 15: Tongana nyen buku Comment raisonner asala kusala na ambeni traduction nde ti Bible. Ndulu diskur, so salango lisoro na aita aga na pekoni. Diko paragraphe 1 ti lembeti 8 ti buku Comment raisonner, na fa ngbanga ti nyen na tongana nyen e yeke sala kusala mingi na Bible na yâ fango ye ti e. Fa andulu iri ti aBible so asû ni na lembeti 6, na fa ngbanga ti nyen e yeke sala kusala na aversê ti yâ ti ambeni traduction nde. Sala lisoro na ndo agbotongo mê ti Tour ti Ba Ndo ti lango 1 ti octobre 1997, lembeti 24, paragraphe 2, na lembeti 28, paragraphe 15. Sala kusala na ali ti tënë “Succession Apostolique”, “Images”, nga na “Trinité” na yâ buku Comment raisonner. Hunda azo so aga ti fa tongana nyen salango kusala na atraduction nde nde ti Bible alingbi ti mû maboko ti fa tâ tënë.

pn 15: “Mabe ti e apusu e na anzo kusala.” Na ngoi ti lisoro na ndo paragraphe 2, hunda ndulu tënë na mbeni ita so ayeke na wâ. Lo yeke fa ande tongana nyen fango tënë na ambeni zo amû lege na lo ti fa mabe na gigi, na akpengba nga mabe ti lo.

Bia 56 na sambela ti nda ni.

[Akete tene na gbe ni]